https://static.elcorreo.com/www/menu/img/zurekin-desktop.jpg

Jaizkibelko alarde parekideak Hondarribiko Udalak ordutegia aldatu nahi duela salatu du

Jaizkibelko alarde parekideak Hondarribiko Udalak ordutegia aldatu nahi duela salatu du
EFE

Aurtengo alardea datorren igandean, irailak 8, ospatuko dute

UNAI SARRIUGARTE

Jaizkibelko alarde parekideak Hondarribiko Udalak ordutegia aldatu nahi duela salatu du. Hondarribiko alkatea Jaizkibielekin hitzartu zen pasa den ostegunean. Izan ere, irteera ordua aldatzeko agertutako asmoaz aritzeko bildu ziren. Udalerriko agintaria ika-mika konpontzeko elkarrizketaren aldekoa dela iragarri zien konpainia parekideko kideei.

Bi aldeek izandako batzarrean Hondarribiko alkatea den Txomin Sagarzazuk datorren igandeko alardean Jaizkibelen irteera ordua aldatzeko eginiko proposamenaren nondik-norakoak azaldu zien konpainia parekideko kideei.

Gainera, Txomin Sagarzazu aho bete hortz geratu zen Jaizkibelek Eusko Jaurlaritzaren Herrizaingo Sailean eskatu zutelako desfilatzeko baimena. Konpainia parekideko kideek Sagarzazuri gaineratu ziotenez urtarrilaren 2an eskatu zuten desfilatzeko baimena udaleatxean, eta Udalaren aldetik abuztuaren 22an, hau da, ekitaldia baino bi aste eta erdi lehenago jaso zutela erantzuna.

Jaizkibeleko kideek nabarmendu zutenez batzarrean entseguak aurrera eraman ahal izateko hamar egun gehiago behar zuten gutxienez hauexek behar den bezala prestatu ahal izateko. Udalaren erantzuna Segurtasun Sailera jo eta ordu batzuetara etorri zen.

Aurtengo alardea datorren igandean, irailak 8, ospatuko dute Hondarribian. Jaizkibelekoek Hondarribiko alkateari eskatu diote udalak ahal dezan guztia egitea hauexek desfilatzen daudenean errespetua ziurtatzeko. Konpainia parekidearen desfilea ikustera doazen jendeari trabak ez jartzeko gehienbat. Hondarribiko alardea Hondarribian (Gipuzkoa) urtero irailaren 8an egiten den alardea, herritarrek gudari itxuran, egindako desfilea da.

1638ko uztailaren 1ean Luis XIII.a Frantziakoaren gudarosteak Hondarribia setiatu zuen. Lehendabiziko egunetan hondarribiarrek udalerriko elizan bildu eta Guadalupeko Ama Birjinari setio hartatik libratzearen truke Olearso muinoko Guadalupeko baselizara urtero prozesioa egingo zutela hitzeman zioten.

Udalerria 69 egunez setiatua egon zen, harik eta 1638ko irailaren 7an setioa amaitu zen arte. Ondorioz, hondarribiarrek hitzeman bezala, urtero herritar armatuz lagundurik prozesio herritar-erlijiotsua egin ohi da, alardea.

Alardea konpainia ezberdinek osatzen dute. Konpainia bakoitzak bere janzkera eta ezaugarri nabarmengarriak aurkezten ditu, eta gudari sekzio bat, herriko talde bat edo auzo bat ordezkatzen du.

Ohiko alardean, emakumezkoen betebehar bakarra kantinerarena izan da. Konpainia bakoitzak emakume bat hautatu izan ohi du kantineraren papera betetzeko. 1990. hamarkada eta gero hainbat pertsona eta alderdik emakume eta gizonen esku hartze askea proposatu dute. Horrek gatazka handia abiarazi du: alde batetik, betiko alardearen aldekoak; eta, bestetik, alarde mistoaren aldekoak diren bi aldeak sortuz.

Hori dela bide, egun bi alarde ospatzen dira: Betiko Alardea, Alarde Fundazioak antolatutako alarde pribatua, eta Jaizkibel Konpainiaren alardea, gizon eta emakumeen artean bereizten ez duen alarde publikoa.