https://static.elcorreo.com/www/menu/img/zurekin-desktop.jpg

Itsuei egokitutako material berria argitaratu du aldundiak, turismoa sustatzeko

Liburuxka batek, braillean, eta ahotsaren bidezko informazio interaktiboak eratzen dute proposamena

I.AGOTE

Arabako Foru aldundiak itsu eta ikusmen urriko pertsonei egokitutako turismo material berria diseinatu eta argitaratu du, horrako horiek lurraldeko toki erakargarrienei buruzko informazioa jasotzea izan dezaten. Liburuxka eta mapa batek, braillean, eta gailu mugikorren bidezko informazio interaktiboak osatzen dute proposamena.

Enplegu, Merkataritza eta Turismo Sustapenaren Saileko foru diputatu Cristina Gonzalezek gaur goizean aurkeztu du, prentsaurrekoan, ekimen hori eta azpimarratu du ekimen hori jorratu den bide bat dela, Araba toki irisgarrien artean lekuko sendo bihurtzeko. “Datozen hiletan lan horri ekingo diogu, mugikortasun urriko pertsonei eskaintza osoa eskaintzeko”.

“Ezinduek, oraingo honetan itsuek, eskubide bera dute aisialdia gozatzeko edo turismo informazioa eskuratzeko, eta erakundeek lan egin behar dugu turismo jasangarria eta irisgarria garatzeko. Eskubidea bada, baina bai eta aukera bat ere turismoa sendotzeko eta turismoa urtaro edo sasoi jakin batzuei loturik ez aurkezteko”, azpimarratu du.

Itsuek eta ikusmen urrikoek, herritarren % 2 eta % 3 bitartean, datozen asteetatik aurrera eskueran izango dute lurraldeko turismo bulegoetan informazioa braillean; hain zuzen ere, Arabako mapa bat izango dute erliebean, non Araban bisita ditzaketen turismo gune garrantzitsuenetako batzuk dauden, hala nola, Añanako Gatz Harana, Gorbeiako parke naturala, Alaitzako eta Gazeoko elizetako margolanak edo Kexaako monumentu multzoa.

Contenido Patrocinado

Fotos

Vídeos