https://static.elcorreo.com/www/menu/img/zurekin-desktop.jpg

Igandean Arabako Errioxako Mahats-bilketaren XXV. Festa izango da Elvillaren

Igandean Arabako Errioxako Mahats-bilketaren XXV. Festa izango da Elvillaren
Maika Salguero

Hainbat jolas eta kultur ekitaldi izango dira

PAUL PICADO

Asteburu honetan, igandean hain zuzen ere, Arabako Errioxako Mahats-bilketaren XXV. Festa ospatuko da Elvillaren. Hori horrela, hainbat jolas- eta kultura-ekitaldi antolatu dira. Ez dira faltako ohiko ardo-lehiaketa, dastaketak, bisita gidatuak Sorginen Txabola trikuharrira edo pilotu-partiduak. Mahats-bilketaren festa hau 1994. urtean sortu zen, Arabako Errioxako Kuadrillak egindako ardoak sustatzeko helburuarekin.

Ekitaldien barruan, besteak beste eskualdeko dantza-taldeen emanaldiak izango dira, eta horren ondoren pregoilaria arituko da. Aurten, Euskal Herriko Bertsolarien Txapelketaren txapelduna izango da pregoia egingo duena, Maialen Lujanbio hain zuzen.

Festa hasi aurretik, Lujanbio berak 'bertso-pote' batean parte hartuko du Arabako Errioxako 'Txandrio' bertsolari-taldeko zenbait kiderekin. Eskualdeko udalerri bakoitzak mahats-saski txiki bat utziko du eta zuzenean zapalduko dute. Horrela, urteko lehen muztioa izango da. Horren ondoren Lujanbiok pregoia irakurriko du.

Bestalde, egunean zehar, enologoa eta ardoaren munduaren dibulgatzailea den Mikel Garaizabalek Arabako Errioxako zenbait ardoren dastaketak zuzenduko ditu. Dastaketa horiek azaldu egingo dira. Bertaratutakoek Arabako Errioxako zenbait herritako ardoak dastatzeko aukera izango dute, hamasei postuz osaturiko zirkuitu batean. Baina aldi berean beste jarduera batzuk ere egingo dira, hala nola herri-bazkaria, ardo-lehiaketa bat, aizkolari-txapelketa bat, pilota-partidak edo bisita gidatuak Sorginen Txabola trikuharrira.

Temas

Euskera

Contenido Patrocinado

Fotos

Vídeos