https://static.elcorreo.com/www/menu/img/zurekin-desktop.jpg

Ibilgailu elektrikoak kargatzeko bi gune berri jarriko dira Bilbon

Kargatzeko tokiek doako zerbitzua emango dute urtean zehar ibilgailu elektrikoen erabiltzaileei

ELCORREO.COM

Bilboko Udalak eta Iberdrola konpainiak hitzarmena sinatu dute hirian ibilgailu elektrikoak kargatzeko bi gune berri jartzeko. Zehazki, Leizaola Lehendakaria etorbideko 5ean eta Elcano kaleko 9an jarriko dituzte guneak, eta doako zerbitzua emango diete urtean zehar ibilgailu elektrikoen erabiltzaileei.

Alfonso Gil Bilboko alkateorde eta Mugikortasun eta Iraunkortasuneko zinegotzi ordezkariak eta Eduardo Insunza Iberdrolako Bezero Handien zuzendariak sinatu dute bi erakundeen arteko hitzarmena. Akordioaren bidez, Bilboko Udalak konpromisoa hartu du Iberdrolari hiri lurzorua lagatzeko, konpainiak kargatzeko gunea jarri eta ekipoen funtzionamendurako behar diren azpiegituretarako obrak egin ditzan. Hitzarmena 2020ko abenduaren 31ra arteko egongo da indarrean eta besterik gabe berrituko da urtez urte.

Bestalde, Iberdrolak ekipoak jarriko ditu, eta hitzamenak irauten duen bitartean gestioaren kostua bere gain hartuko du, bai eta lehenenengo urtean egiten diren kargen kostua ere. Era berean, kargak behar bezala nola egin jakin nahi duten taxi gidarientzako eta Bilboko Udaleko zerbitzuetako langileentzako erakusketak egiteko asmoa dauka Iberdrolak.

Hitzarmena sinatu ondoren, Gilek adierazi du ibilgailu elektrikoak kargatzeko bi gune berriekin urratsa ematen dela hiriko mugikortasun eredua aldatzeko. Gainera, gero eta garraiobide elektriko gehiago egotean, eraginkortasun energetiko handiagoa lortzen dela eta, ondorioz, Bilboko airearen kalitatea eta iraunkortasuna hobetzen direla nabarmendu du.

Bestalde, Insunzak azpimarratu du Iberdrola mugikortasun elektrikoa iristea laguntzen ari dela duela, iraunkortasunarekiko duen konpromisoarekin bat datorrelako. Bere hitzetan, «garraio elektrikoaren alde egitea bide egokia da klima aldaketaren aurkako borrokan eta, gainera, airearen kalitatea hobetzen laguntzen du».

Contenido Patrocinado

Fotos

Vídeos