https://static.elcorreo.com/www/menu/img/zurekin-desktop.jpg

Hitzarmen berria, Bilboko Udalaren wifi sarea Euskalduna Jauregira eta ingurura zabaltzeko

Pertsona bat wifia erabiltzen./A. Gómez
Pertsona bat wifia erabiltzen. / A. Gómez

Une honetan, ia 100.000 pertsonak erabiltzen du egunero Bilboko Udalaren doako wifi sarea

ELCORREO.COM

Udalaren Wifi sarea Euskalduna Jauregira eta inguruetara zabaltzeko lankidetza hitzarmena sinatu dute Bilboko Udalak eta Bizkaiko Foru Aldundiak . Wifi sare zabalagoa 2018ko lehenengo hiruhilekoa amaitu aurretik erabilgarri egotea espero da.

Gotzone Sagardui Bilboko Udaleko Alkatetzako zinegotziak eta Lorea Bilbao Bizkaiko Aldundiko Euskara eta Kulturako diputatuak ostegun honetan sinatutako hitzarmenari esker, haririk gabeko sarea zabalik egongo da eta, hortaz, edonork erabili ahal izango du Internet dohainik, Bilboko Udalaren eta Euskalduna Jauregiaren azpiegituren bidez.

Une honetan, Bilboko Udalak doako wifia erabiltzeko 1.000 puntu baino eskaintzen ditu, Cimubisa udal sozietatearen bidez. Udal eraikin gehienetan, kanpoaldean zein barruan, eta auzo guztietan daude puntu horiek. Egunero ia 100.000 pertsonak erabiltzen du Bilboko Udalaren doako wifi sarea.

Bilboko Udalak eta Euskalduna Jauregiak baten eta bestearen sareak zabaltzeko bi erakundeen baliabideak optimizatzea eta koordinatzea adostu dute, doako zerbitzuaren estaldura hobetzen lagunduko duen hazkunde inorganiko baten bidez, baliabideak hobeto erabiliz eta horretarako egin beharreko inbertsioak txikiagotuz.

Ildo honetan, Bilboko Udala lanean ari da wifi sarea hiri osora zabaltzeko, gaur egungo estaldura hobetuko duten wifi puntu berriak jarriz eta beste erakunde batzuekin hitzarmenak sinatuz. Esaterako, iaz hitzarmena sinatu zuen Osakidetzarekin wifi konexioa jartzeko Basurtuko eta Santa Marinako ospitaleetan eta Bilboko zenbait osasun zentrotan, eta iragan irailean Euskal Trenbide Sareak erakundekin Bilboko tranbiaren geralekuetan wifi sarea doan erabili ahal izateko.

Gauzak horrela, datozen hiletan, Bilboko Udalaren Mugikortasun eta Iraunkortasun Sailari atxikita dagoen Bilbobus hiri barruko autobusetan probak egingo dira udalaren wifi sarea autobusetan eta lineatan jartzeko aukera aztertzeko.

Temas

Euskera

Contenido Patrocinado

Fotos

Vídeos