https://static.elcorreo.com/www/menu/img/zurekin-desktop.jpg

Hetelek eta Euskaltelek 90 ikasle bildu dituzte, Share ikastetxe arteko proiektuan aritzeko

Hilabete eta erdian taldetan banaturik egingo dute lan

ELCORREO.COM

Hetel ekimen sozialeko Euskadiko lanbide heziketako zentroen elkarteko Zabalburu, Txorierri, Deustuko Salestarrak, Egibide eta Somorrostro ikastetxeetako Telekomunikazio eta Informatika Sistemen Zikloko 90 ikasle bildu ditu Euskaltel telekomunikazioen operadoreako Derioko egoitzan, Bizkaian, Share izeneko ikastetxe arteko proiektua aurkezteko asmoz.

Hilabete eta erdian erronka konkretu bati aurre egin beharko diote 90 ikasleek. Gazteek taldeetan banatuta egingo dute lan, ikastetxe bakoitzean zenbait aplikazio zerbitzari instalatzeko, hainbat egoitza dituen enpresa bat simulatuz. Hala, hainbat egoitzatan kokaturiko enpresa simulatu baten sare korporatiboa garatuko dute, eta horretarako Euskaltel konpainiaren esperientzia eta laguntza izango dute.

Hetelek eta Euskaltelek jakinarazi dutenez, telekomunikazioen euskal operadorearen Derioko egoitzan egin den jardunaldi teknologiko batean gauzatu da Share proiektuaren edizio honetako aurkezpena. Euskaltel taldeko giza baliabideetako, antolakuntzako eta kalitateko zuzendari Nuria Frescok eta Heteleko lehendakari Julen Elgetak egin diete ongietorria ikasleei.

Gainera, 'Euskaltel eta 4.0 industriaren erronka' eta 'IKTetako gaitasunak: etorkizunerako begirada bat' hitzaldiak izan dira, eta Share proiektuaren koordinatzaile Oscar Salanek proiektuaren berri eman die parte hartzaileei. Horrez gain, Euskaltel enpresaren teknologia laboratorioa eta Datuak Prozesatzeko Zentroa bisitatzeko aukera izan dute.

Contenido Patrocinado

Fotos

Vídeos