https://static.elcorreo.com/www/menu/img/zurekin-desktop.jpg

HBOk Jesus Gil politikari eta enpresari oiharen dokumental bat estreinatuko du igandean

Jesús Gil./Reuters
Jesús Gil. / Reuters

Espainian XX. mendean izan den pertsonai publiko eta polemikoenetako baten bizitzan oinarritutako kontakizuna izango da hau

UNAI SARRIUGARTE

HBOk Jesus Gil politikari eta enpresari oiharen dokumental bat estreinatuko du uztailaren 7an. Ekoiztetxe estatubatuarrak pertsonai mitiko honen bizitza hizpide duen kontakizuna emitituko du. Politikan, futbolean eta hirigintzaren munduan hain famatu eta gehienbat polemikoa izan zen gizonaren historia hain zuzen ere.

Legeak desafiatzen ezinhobea zen Gil eta justiziak Marbellako alkate izatetik gaitasungabetu eta Atlético de Madrid taldean judizialki eskua hartu behar izan zuen. Gauzak horrela, dokumental honek, beste hainbat pertsonai publikoren bizitzarekin gertatzen den bezala, eztabaidara eramaten gaitu. Zergatik bilakatzen ote ditugu mito zenbait pertsonai publiko?

Jesus Gilen bizitzaren kontakizuna 'El Pionero' izenarekin helduko da datorren hilabetean telebistara. Aspaldidanik pantaila txikira eraman nahi izan duten dokumentala da, eta, HBOko arduradunen arabera, bere bizitzak historia ikaragarri baten elementuak aurkezten ditu.

Enrique Bachek egin ditu dokumentalaren produktore eta gidoigile lanak. Bachz zazpi urtetan 'Salvados' programaren erredaktore buru izan zen. 2011n, berriz, bere lehendabiziko dokumentala zuzendu zuen 'Dimanche à Brazzaville', nazioarteko 11 garaikur irabazi izan zituena. Gainera, 'Muerte en León' telesailaren gidoigile eta produktore izandakoa da Bach.

'El Pionero' dokumentala aukera interesgarria da egungo gizarteak Espainia guztia limurtu izan zuen pertsonaia behar bezala ezagutzeko. Antolatzaileen arabera, zenbait ezuste eta hamaika abentura aurkezten dituen iturri bat da kontakizun hau.

Jesus Gil politikari eta enpresaria Sorian jaio zen. Atlético de Madrid futbol taldearen presidente eta akziodun handiena izan zen 30 urte inguru eta Marbellako alkate 1991. urtetik 2002ra bitartean. Espainiar estatu mailan oso pertsonai famatu eta polemikoa izan zen. Marbellako alkate eta Atletico Madril futbol taldearen kudeaketa ekonomikoagatik bidegabeko eralgilketa eta ustelkeria egotzi zion justizia Espainolak baten baino gehiagotan.

Temas

Hbo, Euskera