Produktuen doako itzulketak, enpresentzako gastu izugarria

Garaiak aldatu egiten dira, baita erosteko modua ere. Internet bidez erosten diren produktuen bolumenaren bilakaerari erreparatu besterik ez da egin behar, urtez urte merkataritza elektronikoak – ecommerce- gero eta pisu handiagoa duela egiaztatzeko. Jakina, fenomeno horrek onura handiak ekarri dizkie kontsumitzaileei, produktuak ordenagailu edo mugikor batetik erosteak dakarren erosotasunari esker. Hala ere, ukaezina da horrek produktuen itzulketa ugari ekarri dituela, ez zaizkigulako espero bezala geratzen, ez datozelako bat guk nahi genuenarekin edo, besterik gabe, desberdina ikusten zelako webguneko argazkian. Dena ezin zen hain polita eta erraza izan...

Deloitteren ikerketa baten arabera, online saltzen diren produktuen %20 itzuli egiten dira. Zaila da enpresei egindako itzulketek zenbat balio duten kalkulatzea, baina adituek diote produktu bakoitzarenak, batez beste, 10 euro balio dutela, eta kasu batzuetan fakturazioaren %3 edo %4 izan daitezkeela. Izan ere, kasu gehienetan, enpresek alderantzizko logistika egin behar dute: garraioa, biltegiratzea eta inbentarioaren kudeaketa.

Egoera horren aurrean, Amazon, Shein edo horrelako beste enpresa batzuek erosketaren zenbateko osoa itzultzen diete kontsumitzaileei, eta, gainera, batzuetan, produktuarekin geratzen uzten diete. Zergatik? Bada, enpresa bati ez zaiolako errentagarria 20 euroko kamiseta bat berreskuratzea garraioa berdin edo gehiago kostatzen bazaio.

Zer egin beharko lukete enpresek? Itzulketa-prozesuaren kostuak kontsumitzailearen esku utzi? Nolanahi ere, pertsona bakoitzak jakin beharko luke zer karbono-aztarna uzten duen eta itzulketak ez direla doan ez enpresentzat, ez, batez ere, ingurumenarentzat.

• Temas
• Euskera