Europa, gerra komertziala eta dumping txinatarraren domino efektua

Gerrak sor dezakeen 'domino efektu' horretan, Europa izango litzateke kaltetuenetako bat, Estatu Batuetara iristen diren Txinako milioika produktu Europara oso prezio merkeetan bidera baitaitezke. 'Dumping' izeneko praktika da, non enpresa batek ondasunak beste herrialde batera esportatzen dituen etxeko merkatuan kobratzen duena baino prezio baxuagoan.

Europako merkatuak antzekotasun asko ditu Estatu Batuetako merkatuarekin, eta, beraz, litekeena da lehen herritar estatubatuarrek erosten zituzten produktuak orain europarrei eskaintzea. Eta nahiz eta kontsumitzailearentzat produktu merkeagoak aurkitzea onuragarria izan daitekeen arren, Europako enpresen enplegu-galera nabarmena izan daiteke eta industria nagusien lehiakortasun-galera baita ere. Horren aurrean, Ursula von der Leyen, Europar Batzordearen buruak, ohartu zuen Europak ezin duela «munduko gehiegizko gaitasuna xurgatu, eta ezin duela dumbinga onartu» bere merkatuan.

Brusela lanean hasi da hori gerta ez dadin. Aspalditik, Europar Batasunak araudi batzuk ezarri zituen, hain zuzen ere dumping-a saihesteko. Izan ere, 100 neurri baino gehiago daude indarrean produktu txinatarren aurka, altzairu herdoilgaitzetik bizikleta elektrikoetaraino. Nolanahi ere, hurrengo mugimenduak funtsezkoak izango dira. Izan ere, uztailean Europar Batasunaren eta Txinako Gobernuaren arteko funtsezko bilera bat aurreikusten da.