https://static.elcorreo.com/www/menu/img/zurekin-desktop.jpg

Gipuzkoako bost herrik hartuko dute esku Gourmet Bag 2.0 egitasmoan

Gipuzkoako bost herrik hartuko dute esku Gourmet Bag 2.0 egitasmoan

Aurtengo edizioan 3.125 ontzi ekologiko banatuko dira herritarren artean

UNAI SARRIUGARTE

Gipuzkoako bost herrik hartuko dute esku Gourmet Bag 2.0 egitasmoan. Ekimen honen bigarren edizioan Arrasate, Eibar, Tolosa, Beasain eta Irungo udalerriek hartuko dute parte. 3.125 ontzi ekologiko banatuko dira ostalaritza establezimendu ezberdinetan, elikagaien xahutzea murrizteko helburuarekin.

Iaz Ingrumeneko Departamentuak, Gipuzkoako Ostalaritza Elkarteak eta Impact Hub Donostiak onetsitako lankidetza hitzarmenari esker jarri zuten abian ekimen hau. Hauxe pasa den urteko proiektuaren jarraipena da.

Gourmet Bags izeneko ontziak emango zaizkie bezeroei, soberako jakiak etxera eraman ahal izateko, nahi izanez gero. Iazko proiektuan Donostiako zenbait establezimenduk bakarrik parte-hartu zuten. Bigarren edizio honetan, berriz, aipatu dugunez Gipuzkoako bost udalerri gehitu dira.

Gourmet Bags deiturikoak ontzi ekologikoak dira, paper birziklatuarekin egindakoak, eta mikrouhinean sartzeko aproposak direnak. Halaber, tuper horiek konpostagarriak eta erabat biodegradagarriak dira. Hortaz, erabiltzaileek hauexek birziklatzeko aukera izango dute.

José Ignacio Asensio Ingurumeneko diputatuak gaineratu duenez: «Gourmet Bag proiektua elikagaien xahuketa murrizteko erronkaren aurrean sortu da: » Bere esanetan egitasmoa lurraldeko hiri hondakinen kudeaketari, ekonomia zirkularrari eta hondakinen hierarkiari buruzko plangintzarekin bat eginez jarri da martxan.

Gipuzkoan 123.000 tona elikagai xahutzen dira urtero (% 23 alferrik galdutakoak eta % 77 galerak). Gehienbat etxebizitzetan eta ostalaritza sektorean gertatzen da xahuketa hau.