https://static.elcorreo.com/www/menu/img/zurekin-desktop.jpg

Getxo, Durango, Bilbo, Leioa eta Galdakao, Estatuko errenta altueneko udalerrien artean

Getxo, Durango, Bilbo, Leioa eta Galdakao, Estatuko errenta altueneko udalerrien artean

Espainiako Estatistika Institutuak 2015. urtean Estatuko langileek irabazi zuten per capita errenten batez bestekoak kaleratu ditu, eta EAEko zazpi udalerrik lortu dute lehen postuetan agertzea

AMALIA IBARGUTXI

Espainiako Estatistika Institutuak 2015. urtean Estatuko langileek irabazi zuten per capita errenten batez bestekoak kaleratu ditu, eta EAEko zazpi udalerrik lortu dute lehen postuetan agertzea

Espainiako Estatistika Institutuak (INE gaztelaniaz) 2015. urtean, 200.000 biztanle baino gehiagoko udalerrietan, Estatuko langileek irabazi zuten per capita errenten batez bestekoak kaleratu ditu, eta beste behin, euskal herri eta hiri batzuek lortu dute lehen postuetan agertzea.

Guztira bederatzi izan dira errenta altuena duten lehen 30 postuetan sailkatu diren Euskal Autonomia Erkidegoko udalerriak. Sailkapen horretan lehenengo geratu da EAEko herri eta hirien artean Getxo, bizilaguneko 18.212 euroko soldatarekin. Honenbestez, Estatuko seigarren postua egokitu zaio Getxori.

Hogeigarren postura salto egin eta Durango topatzen da zerrendan, batez besteko 14.650 eurorekin; jarraian, 24. postuan, Bilbo dago 14.376 euroko irabazkinekin; 27.ean Leioa, 14.172 eurorekin, eta azkenik, Galdakaok hartu du per capita errenten lehen postuen azkena, batez besteko 14.062 euroko errentarekin.

Hemeretzigarren postuari erreparatzen badiogu Zarautz topatzen dugu, 14.654 eurorekin eta 27.ean Arrasate, biztanleko 14.105 euroko errentarekin.Errenta kopuruaz gain, aktibitate maila altuena duten udalerrien berri ere eman du Estatistika Institutuak. Langabezia gutxien duen hirugarren hiri izendatu dute Donostia (%8,3). Getxo berriz ere agertu da zerrenda honetan, %9,4ko langabeziarekin, Irun (Gipuzkoa) hamabigarren postuan sailkatu da %11,2ko langabezia tasarekin eta Gasteiz, azkenik, 15.ean, %11,7ko portzentajearekin.

Langabezia aldetik, Pozuelo de Alarcón (Madril) eta Sant Cugat del Vallés (Bartzelona) gailendu dira zerrenda honetan, %7,4arekin biak ala biak. Pozuelo de Alarcón lehen postuan agertzen da baita ere errenta aldetik, 23.861 eurorekin.

Temas

Euskera
 

Fotos

Vídeos