https://static.elcorreo.com/www/menu/img/zurekin-desktop.jpg

Genero-indarkeriaren biktimak Amurrion ere artatuko dituzte

Indarkeria matxistaren irudia./Fotolia
Indarkeria matxistaren irudia. / Fotolia

Laudion ematen zen zerbitzu bera, bi egunetik hirura luzatu dute

Aiarako Kuadrillatik datozen genero-indarkeriaren biktimek, haien seme-alabek eta zeharkako biktimek Amurrion jaso dezakete dagoeneko egoera horri aurre egiteko arreta psikologikoa. Joan den astean hasi zen ematen zerbitzu hori, Amurrion, arlo horretan aditua den psikologo bat, hala eskatzen duten Aiarako Kuadrillako biktimentzat. Bestalde, Laudion ematen zen zerbitzu bera, bi egunetik hirura luzatu dute.

Biktimen arretarako jarduera-protokolo bat da, berez, eta genero-indarkeriaren biktimak diren Amurrio, Laudio, Aiara, Artziniega eta Okondoko emakumeentzat, haien seme-alabentzat eta zeharkako biktimentzat da zerbitzua. Konfidentziala eta doakoa da eta ez du eskatzen aurretik salaketa jartzea. Hala ere, hitzordua eskatu behar da aurretik.

Iaz hasi ziren arreta psikosoziala genero-indarkeriaren biktimengana hurbiltzen, eta horrez gain, arretarako ordutegiak ere luzatu egin dituzte. Zerbitzua Gasteizen eta Laudion hasi zen, baina duela bi urte Guardia-Arabako Errioxako Kuadrillara ere eraman zuten. Geroago, Arabako Lautadako Kuadrillarekin lankidetza-hitzarmen bat sinatu zuten eta Gasteizko arreta psikosozialerako ordutegia luzatu.

Gizonezkoen indarkeriaren aurkako borroka egunerokoa da, etengabea, eta gero eta handiagoa. Hori dela eta, Aiarako Kuadrillara ere eraman dute zerbitzua, ahalik eta biktima gehienengana heldu ahal izateko, non bizi diren kontuan hartu gabe. Esan bezala, zerbitzua Amurrion dago, eta hitzordua hartzeko Udalera deitu behar da, 945 891161 telefonora.

Temas

Euskera

Contenido Patrocinado

Fotos

Vídeos