https://static.elcorreo.com/www/menu/img/zurekin-desktop.jpg

Gasteizek 'Los ritos del agua' eleberrian oinarritutako bisitak estreinatuko ditu

Turismo Bulegoak 'El silencio de la ciuadad blanca'- jarraipen lanaren agertoki nagusiak ezagutzeko gonbidapena egiten du, abenduaren 27an hasiko diren bisiten bitartez

IERA AGOTE

Aurtengo Gabonetan, Gasteizek “El silencio de la ciudad blanca” eleberriaren jarraipenean —”Los ritos del agua”— oinarritutako literatur bisitak estreinatuko ditu. Eva García Sáenz de Urturi idazle gasteiztarrak osatzeko asmoa duen trilogiaren bigarren liburua hartu da oinarritzat bisitaren ibilbidea osatzeko.

“Lehen eleberriari buruzko bisitek harrera ona izan dute. Beraz, orain bigarren proposamena egiten diegu gasteiztar eta bisitariei, Kraken eta Albarekin batera gure hiria berraurki dezaten”, nabarmendu du Enpleguaren eta Garapen Ekonomiko Iraunkorraren zinegotzi Nerea Melgosak.

Lehen bisitak abenduaren 27an eta urtarrilaren 3an izango dira, 18:00etan euskaraz eta 18:30ean gaztelaniaz. Bisitaren prezioa 6 euro da.

Bestalde, abian da Foru plazako Eguberrietako Azoka. Karpa —guztira artisautzako 40 saltoki hartzen ditu— 2018ko urtarrilaren 6ko 22:00ak arte egongo da irekita.

Azoka 11:00etatik 14:30era eta 17:00etatik 22:00etara egongo da irekita, salbuespen hauekin:

Abenduaren 24an eta 31n, 21:00etan itxiko da.

Urtarrilaren 1ean ez da goizean irekiko.

Urtarrilaren 5ean ez da eguerdian itxiko.

Karpan 40 saltoki instalatu dira, Estatuko leku guztietakoak, eta horietan askotariko artisau-produktuak aurki ditzakete bisitariek: feltrozko poltsak, olibondo eta ezpel egurrez egindako eskulanak, zetazko hariz egindako bitxiak, kosmetika naturala eta abar. Azokak interes handia pizten du sektoreko profesionalen artean, eta horren erakusgarria da 62 eskabide jaso direla gehienez jar zitezkeen 40 saltokiak eskuratzeko. Aurten Gasteiz, Bartzelona, Alacant, Nafarroa, Asturias eta Bajadozeko erakusketariak etorriko dira, besteak beste. Gasteizko ekoizleek 12 saltoki jarri dituzte, hau da, % 30.

Azken bi edizioetan bezala, azokaren artisautza osagaia lehenetsi nahi izan da, eta horretarako, deialdiaren oinarrietan 5 puntu eman zaie eskulangintza enpresen erregistro ofizial batean sartuta daudela egiaztatzen dutenei, lizentzia eskuratzeko aukera handiago izan zezaten, eta hala izan da.

Egun seinalatuetan, txikientzako puzgarria jarriko da, begirale elebidunek lagunduta. Orobat, abenduaren 24an eta 31n eta urtarrilaren 5ean haurrentzako lantegiak egingo dira, euskaraz eta gaztelaniaz: giltzatakoak egitea, material birziklatuz musika-tresnak sortzea…

Contenido Patrocinado

Fotos

Vídeos