https://static.elcorreo.com/www/menu/img/zurekin-desktop.jpg

Foru Ogasunak Aguraingo katastro balioak eguneratuko ditu

Aldundiak, 2018an zehar, Arabako 13 udalerritako katastro balioak eguneratuko ditu, horien txostenek indarraldia galdu baitute

I.AGOTE

Arabako Foru Aldundiko Gobernu Kontseiluak onartu du Aguraingo katastro balioeztapen txosten berria. Horrela, lurzoruaren eta eraikuntzaren balio berriak, ondasun higiezinen gaineko zergari (OHZ) atxikiak, 2019an jarriko dira indarrean eta egungo balioak ordeztuko dituzte, 1998tik indarrean daudenak, alegia.

Arabako Ogasunak egiten duen eguneratzearen ondorioz, katastro balioak % 14 igoko dira, batez beste, bizitegi, industria etamerkataritza lurzoruaren egungo balioa aztertzen duen txosten berri batean. Izan ere, bizitegi lurzoruak gora egin baitu eta industria eta merkataritza higiezin gehienek, berriz, behera. Zehazki, 6.715 higiezin aztertu dira eta horietatik % 66k gora egingo dute katastro balioan, eta gainerakoak (% 34) behera.

Hala ere, gogorarazi behar da zergadun bakoitzak datorren urteko OHZren ordainagirian ordaindu beharko duen azken zenbatekoa udalak ekitaldi honetan onartzen duen zerga tasaren araberakoa izango dela.13 udalerrik berrituko dute katastroa aurten Arabako Foru Ogasunak udalerri guztien txostenak eguneratuko ditu, baldin eta horien katastro balioen indarraldia amaitu bada. Lehenengo faseari 2018an ekingo zaio lehenengo 13 udalerriekin eta datorren urtean amaituko da. Hauexen balioak eguneratuko dira ekitaldi honetan, hain zuzen: Urkabustaiz, Agurain, Zigoitia, Aramaio, Erriberagoitia, Kanpezu, Armiñón, Harana, Arraia-Maeztu, Bernedo, Zanbrana, Lagran eta Urizaharra.

Horrela, aldundiak atzerapenak ekidingo ditu katastro txostenak eguneratzean indarraldia galtzen dutenean, higiezinen prezioen eta merkatuaren artean desorekarik egon ez dadin.

Contenido Patrocinado

Fotos

Vídeos