'El exotico Hotel Marigold' filma, ostiral gauean

'El exotico Hotel Marigold', 2011 urtean estreinatutako komedia dramatikoa izango da ikusgai ostiral gauean ETB2n. John Maddenek zuzendutako filma da, eta Judi Dench, Bill Nighy, Maggie Smith, Tom Wilkinson, Celia Imrie, Ronald Pickup, Penelope Wilton, Dev Patel eta Tina Desai dira protagonistak.

Marigold Hotela Ingalaterrako goi klaseko erretiratuen itxaropenak betetzeko sortu dute. Indian dago, eta erretiratu dirudunek imajina ditzaketen erosotasun eta luxu guztiak ditu. Behintzat, hori adierazten du iragarkiak... Horietako zazpik atseden hartzeko egoitza baketsu eta dotore baten bila bidaiatuko dute, eta uste zutena baino okerragoa den leku bat aurkituko dute. Bakoitza arrazoi batengatik iritsiko da, baina denek euren adinari desafio egingo diote ustekabeko abentura eta erromantzeetan parte hartuz.

Alde batetik, Evelyn (Judi Dench) dugu, bere egoera ekonomikorik onena pasatzen ari ez dena; beste alde batetik, Graham (Tom Wilkinson) dago, Auzitegi Goreneko epailea izandakoa; bestetik, Douglas eta Jean (Bill Nighy eta Penelope Wilton), etengabe eztabaidatzen ari diren senar-emazteak; eta, azkenik, Norman (Ronald Pickup), Madge (Celia Imrie) eta Muriel (Maggie Smith), India nazkatzen duena eta bertatik lehenbailehen joan nahi duena. Sonny Kapoor (Dev Patel) hoteleko jabeak engainatu dituelako daude denak hor. Egonaldiaz gozatzeko gai izango dira?

'El exotico Hotel Marigold' izeneko filma 'Cine Éxito' tartearen barruan izango da ikusgai, ostiral honetan, 22.15ean, ETB2n.

Temas

• Euskera
• Zinema