https://static.elcorreo.com/www/menu/img/zurekin-desktop.jpg

Ingurunet izeneko ingurumen-kudeaketari buruzko informazio sistema berria jarri dute martxan

Erreminta honek ingurumen-kudeaketa guztiak erraztu eta bizkortzea ditu helburu./Fotolia
Erreminta honek ingurumen-kudeaketa guztiak erraztu eta bizkortzea ditu helburu. / Fotolia

Eusko Jaurlaritzaren tresnak herritarrek, enpresek eta udalek euskal Administrazioarekin egin beharreko ingurumen-kudeaketa guztiak sinplifikatu eta bizkortzea ditu helburu

UNAI SARRIUGARTE

Eusko Jaurlaritzak Ingurunet izeneko ingurumen-kudeaketari buruzko informazio sistema berria jarri du martxan. Erreminta honek herritarrek, enpresek eta udalek euskal Administrazioarekin egin beharreko ingurumen-kudeaketa guztiak erraztu eta bizkortzea ditu helburu.

Ingurumen, Lurralde Plangintza eta Etxebizitza sailak eman zuen pasa den asteazkenean Ingurunet erremintaren berri. Ingurumen sailburuordetzak Eusko Jaurlaritzaren Lakuako egoitzako auditorioan antolatutako jardunaldi informatiboan euskal enpresa eta udaletako 300 ordezkari inguruk hartu zuten parte. Bertan, Elena Moreno sailburuordeak tresnaren ezaugarri, erabilgarritasun eta berritasun nagusien berri eman zuen. Ingurunet erreminta datozen egunotan ipiniko da martxan.

Eusko Jaurlaritzaren ingurumen arloak espediente kopuru handia bideratzen du. Gainera, urtero espediente kopuru hori handiagotuz doa, izan ere, esparru horretan eskumena duten administrazioek ezarritako araudi eta egiaztatzeak hazi egin dira. Azken lau urteotan Ingurumen Sailburuordetzak egindako komunikazio eta izapideak %68 hazi dira; 2015eko 6.063 kasutatik 2018ko 10.182 kasutara pasa dira.

Halaber, ingurumen-eraginaren ebaluazioaren espedienteen izapideak hirukoiztu egin dira (193tik 527ra pasa dira). Airearen kalitatearekin lotutako izapideak ere izugarri handitu dira. Hiru urteren buruan 86tik 480ra pasa dira. Bestalde, lurzoruaren kalitatearekin zerikusia dutenak ere zerbait handitu dira: (2015ean 1.147 ziren eta 2018an, berriz, 1.720).

Gainera, Ingurumen, Lurralde Plangintza eta Etxebizitza Saila dektretu bat garatzen ari da plan eta proiektu ezberdinak balioztatzeko. Era berean, lurzoruaren kutsadura ekidin eta zuzentzeko lege bat garatzea pentsatzen dabiltza.

Temas

Euskera