https://static.elcorreo.com/www/menu/img/zurekin-desktop.jpg

Euskarak protagonismo berezia izango du Arrigorriagako Madalenetan

Dantza Taldeko kideek Ahobizi eta Belarriprest pertsonaien laguntza izango dute./Arrigorriagako Udala
Dantza Taldeko kideek Ahobizi eta Belarriprest pertsonaien laguntza izango dute. / Arrigorriagako Udala

Euskararen normalkuntzaren aldeko ekimenak izango dira uztailaren 19an hasiko den jaialdian

ELCORREO.COM

Arrigorriagako Madalenak uztailaren 19an hasiko dira, 20:00etan. Ordu horretan, Aritz Berri Dantza Taldeak, zeinak aurten hogei urte betetzen dituen, txupinazoa botako du, eta pregoia irakurriko du ere bai, Udaletxetik helarazi dutenaren arabera. Pregoian, hain zuzen, babesa agertuko dio 'Euskaraldia, 11 egun euskaraz' proiektuari. Dantza Taldeko kideek Ahobizi eta Belarriprest pertsonaien laguntza izango dute, eta ondoren pertsonaia horiek jai-giroan murgilduta herrian zehar ikusi ahal izango dituzte herrira hurbiltzen direnek.

Euskararen normalkuntzaren aldeko ekimen honek egitarauko beste hainbat ekintzatan ere izango du lekua. Gainera, informazio-mahai bat jarriko da ostiralean, Udaletxeko plazan. Bertan, tokiko batzordeko kideek informazio zehatza emango diete interesdunei, eta Ahobizi edo Belarriprest gisa izena emateko aukera egongo da.

Plazan banderatxoak jarriko dira lehen egunetik eta udal-eraikinek Euskaraldiarekin lotutako apaingarriak izango dituzte. Gainera, ostalaritza-establezimenduek bat egingo dute kanpainarekin: 'Hemen ahobizi/belarriprest gara' mezua duten pegatinak jarriko dituzte beraz, eta txapak banatuko dira tabernetan eta bertso-bazkarian. Horrez gain, batzordeko kideek iganderako, uztailaren 22rako, playback-ean parte hartuko dute, lehiaketatik kanpo. Helburua da ekimena musika ezaguna eta erraz ikasteko moduko hitzak dituen abesti baten bidez ezagutaraztea, euskara dantzan jartzeko.

Jende artean Euskaraldiari buruzko informazioa banatzen arituko dira ere zenbait pertsona; izan ere, ekimenaren helburuetako bat da, besteak beste, euskarak lekua izatea festetan, giro onean, ligatzeko garaian, dantza egitean, kuadrillen artean, jolasetan eta, azken batean, dibertsioan. Ez ezazu pentsa, beraz, eta hurbildu zaitez jaialdi honetaz gozatzera.

Temas

Euskera

Contenido Patrocinado

Fotos

Vídeos