https://static.elcorreo.com/www/menu/img/zurekin-desktop.jpg

Euskal rock-abeslaria izan zen Lou Olanguaren omenezko dokumentala, Gasteizen

Lou Olangua, 1985ean egindako elkarrizketa batean./
Lou Olangua, 1985ean egindako elkarrizketa batean.

Oihaneder Euskararen Etxean bihar izango den emanaldia 19:30ean hasiko da eta Izoitz Barrio zuzendariak berak aurkeztuko du

PAUL PICADO

Lou Olangua 80ko hamarkadako euskal rock-abeslaria izan zen, eta garai hartan zegoen emakume gutxienetako bat. Zenbait taldetan aritu zen, besteak beste Humedecidos, OK Korral edo Las Lagartas taldeetan. Agertokian indar handia erakusten zuen, bere jarrerarengatik batik bat. Haren inguruko emanaldia izango da bihar asteartean, 19:30ean, Oihaneder Euskararen Etxean eta Izoitz Barriok berak aurkeztuko du. Dokumentala amaitutakoan hitzaldi-solasaldia izango da harekin ere bai.

Olanguak rockabillya eta rock & rolla erabiltzen zituen, eta euskaraz bakarrik abestu zuen. Gipuzkoan postpunka eta pop entzuten ziren gehienbat eta geroago euskal rock erradikala heldu zen. Bi disko kaleratu zituen, 'O.K. Korral', 1986an, eta 'Beti gogor, beti moskor', 1989an.

Dokumental honetan, Usua Garinek, Andrea Lopetegik eta Izoitz Barrio euskal abeslari honen historia jaso nahi izan dute, izan ere, erreferente handia izan zen, baina emakumea zenez, ez zuen hainbesteko osperik izan. Beraz, interesgarria iruditu zitzaien bere historiaren berri ematea. Usuak bakarrik ezagutu zuen Lou, baina Zarautzen oso ezaguna zen, eta Izoitzek hari buruzko lan bat egitea proposatu zien.

Gaur eskainiko den dokumentalean zenbait artista elkarrizketatu zituen, hala nola Mikel Kazalis eta Iñigo Muguruza musikariak, Mikel Insausti abeslari eta zinema-kritikaria, Marivi Ibarrola argazkilaria, Dinamita pa Los Pollos taldeko Reyes Torío abeslaria eta Garbiñe Úbeda, zuzenean ezagutu ez bazuen ere, Lou Olanguaren kontzertu askotara joan zena. Denek nabarmendu zuten Olanguarentzat musika oso garrantzitsua zela, eta agertokian hari bakarrik begiratzen ziotela, hain zuzen ere indar handia agertzen zuelako.

Temas

Euskera