https://static.elcorreo.com/www/menu/img/zurekin-desktop.jpg

Euskal mendi eta basoak antolatzeko aspaldiko moduak, erakusketa batean ikusgai

Euskal Herria Museoak euskal mendiak aztertuko ditu./
Euskal Herria Museoak euskal mendiak aztertuko ditu.

Gernikako Euskal Herria Museoan egongo da ikusgai, hilaren 13tik aurrera, 'Biribilak mendietan. Seles, kortak, saroiak'

AMALIA IBARGUTXI

Mendien jatorriak, egiturak, neurketa eta mugaketa-erak, tipologia eta erabilerak, kokapenak zein lurren garapen historikoak. Euskal Herria Museoak euskal mendiak aztertuko ditu datorren ostiraletik ikusgai izango den erakusketan, hau da, uztailaren 13tik aurrera.

Gernikako museoak urtarrilaren 6ra bitarte hartuko du 'Biribilak mendietan. Seles, kortak, saroiak' erakusketa, ikerketa baten emaitza dena. Erdian harri handi bat daukaten eta hori erreferentziatzat hartuta forma biribilean eratu diren Euskal Herriko mendi-lurren ezaugarrietan sakonduko du esposizioak, mendi-lur horien jatorrian batez ere.

Panelek, dokumentu historikoak, pieza originalak, aireko argazkiak, kartografiaek eta ikus-entzuneko materialak eskainiko dituzte.

Besteak beste, kortabasoei edo ganadua udan basoan larretzeko eremu biribilei buruzko XVII. eta XVIII. mendeetako krokisak ikusi ahalko dira erakusketan, Iurretako Udal Artxibo Historikoak bildu eta banakakoek dohaintzan emandakoak.

Erakusketak garai batean ohikoak ziren katastro-ordenamendua ikusarazi nahi du horrela, ia mendi-lur guztiak hartzen zituzten eta kortabasoek, nahiz eta egun kopuru horren %20 inguru baino ez dagoen ikusgai. Mendia lurzati biribiletan antolatzeko modu sistematizatua zen, euskal mendi-paisaia kulturaren oinarrizko geruza izan dena.

Hainbat testu eta film bat

Antzinako zenbait autoreren testuak ere jaso dituzte. Adibidez, Bizkaiko Foru Zaharraren alerik antzinakoena, Juan Ramón Iturrizaren testuak eta Pedro Bernardo Villarreal de Berrizenak eta Valladolideko Errege Kantzelaritzaren artxiboko dokumentuak.

Gipuzkoako Kultur Ondare Higigarriaren Zentrotik, Gordailutik eta Zaldibiako udalerritik hartutako zenbait mugarri ere ikusgai izango dira, 'kortarriak' eta 'austarriak' direlakoak, horietako bakoitza dagokion idazkunarekin.

Xabi Crespo zuzendari eta dokumentalistak Makoletako kortabasoari (Arrieta) buruz egindako film laburra ikusi ahalko da, ikus-entzunezko beste material eta ukimen-pantailak ere izango direlarik eskuragarri, bisitariek aipatzen diren lekuetako aireko ikuspegia izan dezaten.

Erakusketa osatzeko, ikusgai izango diren pieza guztiak irudikatzeko katalogo bat diseinatu da, non panelei buruzko informazio osagarria ematen den, interesatuta dauden pertsona guztiek erakusketak jorratzen dituen alderdien ikuspegi zabalagoa izan dezaten. Katalogoa Euskal Herria Museoan bertan salgai izango da.

Temas

Euskera

Contenido Patrocinado

Fotos

Vídeos