https://static.elcorreo.com/www/menu/img/zurekin-desktop.jpg

Euskal Herriko Unibertsitateak doktore berriak izendatu ditu

Doktore berriak izendatzeko jardunaldia ospatu zuten atzo, Leioako fakultatean./Borja Agudo
Doktore berriak izendatzeko jardunaldia ospatu zuten atzo, Leioako fakultatean. / Borja Agudo

Aurtengo ikasturtean 334 Doctor Honoris Causa berri izendatu dituzte. Jardunaldia izan zen atzo Leioako Campusean

UNAI SARRIUGARTE

Euskal Herriko Unibertsitateak doktore berriak izendatzeko jardunaldia egin zuen atzo, Leioako Campuseko areto nagusian. 2018. urtean, 176 emakumek eta 158 gizonek irakurri zuten tesia EHUn, hau da, guztira 334 tesi burutu ziren. Tesi hauetako 26, berriz, euskaraz izan ziren.

Atzo ospatutako ekitaldian hainbat pertsonai publikok hartu zuen parte: Nekane Balluerka Euskal Herriko Unibertsitateko errektorea eta Santos Zunzunegui Komunikazio Zientzietako irakaslea, esaterako. Ekitaldian bertan Santos Zuzuneguik 'Tres fechas y una declaración de intenciones: Algunas reflexiones acerca de la comunicación en el mundo contemporáneo' hitzaldia eskaini zuen.

Azken urteotan Euskal Herriko Unibertsitatean doktorego ikasketen protagonismoa gero eta handiago da. Izan ere, ezagutzan oinarritutako gizarte batean ikertzaileen prestakuntzak eta heziketak garrantzia handia dauka gizartearen ongizatea sustatzeko.

Aipatu dugunez, 2018. urtean 334 tesi aurkeztu ziren EHUn. Tesi hauek honako jakintza esparruetakoak dira: Zientziak (108), Ingeniaritza eta Arkitektura (58), Osasun Zientziak (69), Gizarte eta Lege Zientziak (70) eta Arte eta Giza Zientziak (29). Era berean, 334 tesi hauetako 160 nazioartekoak izan ziren.

Bestalde, atzoko ekitaldian 2015-2016 ikasturteko 57 Doctor Honoris Causari garaikur bereziak banatu zizkieten (33 emakumezko eta 24 gizon). Sariak Cum Laude deituriko tesiei banatu zaizkie, ikerkuntza hauek nazioartean izan duten oihartzun eta ospeagatik gehienbat. Garaikurrak honako esparruetakoak izan dira: 14 Zientziaren arlokoak , 9 Ingeniaritza eta Arkitekturakoak, 9 Osasun Zientzietakoak, 13 Gizarte eta Zientzia Juridikoetakoak eta 12 Arte eta Humanitateenak.

Doctor Honoris Causa unibertsitateek, zenbait erakunde profesionalek eta akademiek ematen duten bikaintasun titulua da. Izendapen hau batez ere euren eremu profesionalean nabarmendu diren pertsonei ematen zaie. Espainiar estatu mailan bereizketa hau 1920. urtetik banatzen da.

Temas

Upv, Euskera