https://static.elcorreo.com/www/menu/img/zurekin-desktop.jpg

Euskal Eskola Publikoaren Jaia, ospakizun itzela Errenterian

Haurrak Euskal Eskola Publikoaren festan./Iñigo Arizmendi
Haurrak Euskal Eskola Publikoaren festan. / Iñigo Arizmendi

Aurtengo jaialdiaren 28. edizioa Koldo Mitxelena ikastetxeak antolatu zuen

UNAI SARRIUGARTE

Euskal Eskola Publikoaren Jaia ospatu zuten pasa den igandean Errenterian. Autengo jaialdiaren 28. edizioa Koldo Mitxelena ikastetxeak antolatu zuen. 'Makina bat taupada' lelopean bertara milaka pertsona hurbildu ziren. Aurtengo edizioren etekin ekonomikoak Zaporeak proiektuarentzat joango dira bideraturik.

Irekiera ekitaldia goizeko 11.00etan izan zen ikastetxeko jolastokian. Aurtengo edizioak 'Makina bat taupada!' abestiaren bertsioa akustikoarekin eman zion hasiera festari. Arkaitz Miner, Irenka Mendive eta Yon Figeroaren ibili ziren abeslari lanetan.

Koldo Mitxelena ikastetxeko Koldokide elkartearen izenean Maialen Olaberik hartu zuen hitza. Olaberik Errenteriaraino hurbildutako jende guztiari eskerrak eman zizkion ikastetxearen izenean. Ondoren, Ana Puente EHIGEko presidenteak eta Cristina Uriarte Eusko Jaurlaritzako Hezkuntza sailburuak hartu zuten aurkezle testigua.

Uriarte Araba, Bizkaia eta Gipuzkoarako Hezkuntza lege baten beharraz mintzatu zen. XXI. mendeko aldaketetara egokitzeko, egitasmo berri bat ezinbestekoa dela helaraziz. Izan ere, sailburuak nabarmendu zuenez: «Lege horrek bide laburra egingo du hezkuntza komunitatearen babesik gabe».

Bestalde, Uriartek hezkuntza sistema publikoaren aniztasuna babestu zuen. Jatorri anitzeko pertsonek osatutako kolore anitzeko sistema dela esanaz. Sailburuak zioenez: «Gure hezkuntza sistemara heltzen diren unetik, guztiok gara bat. Haiek ez dira hangoak, eta gu ez gara hemengoak. Guztiok talde berekoak gara».

Jaialdira hainbat pertsonai publiko bertaratu ziren: Cristina Uriarte Eusko Jaurlaritzako Hezkuntza sailburua eta bi sailburuordeak, Olatz Garamendi eta Maite Alonso, eta Nafarroako Hezkuntza Kontseiluko presidentea den Aitor Etxarte. EAJ, EH-Bildu, Elkarrekin Podemos eta PSE partiduetako kideak ere bertan egon ziren, baita LAB, STEILAS eta CCOO sindikatuko ordezkariak eta HEIZE, NIZE, Kontseilua, AEK, Eskola Inklusiboa eta Ikastolen Elkarteko ordezkariak ere.

Aurtengo euskal eskola publikoen aldeko jaialdiak hainbat erakunde publiko nahiz pribatuen laguntza jaso du: Errenteriako Udala, Koldo Mitxelena Ikastetxeko irakasleria eta zuzendaritza, Kutxabank, Eitb, Eusko Jaurlaritza, Gipuzkoako Foru Aldundia, Donostiako Udala, Kaiku, Eroski Fundazioa eta Euskaltel.

Ekitaldian bertan Jaiaren lekukoa jaso zuten Bastidako eskolako kideek, izan ere han ospatuko da datorren urteko Euskal Eskola Publikoaren Jaia.