Euskal emakume erreferenteak Saharako kanpamentuak bisitatuko dituzte

Emakundetik jakinarazi dutenez, abenduaren 3tik 5era, erreferente diren zenbait euskal emakume Saharako kanpamentuetara joango dira emakumeen ahalduntze politikoari buruzko tailer batean parte hartzeko. Emakundeko zuzendari Miren Elgarresta; eta Eusko Jaurlaritzako eta Eusko Jaurlaritzako Giza Eskubide, Biktima eta Aniztasuneko zuzendari Monica Hernandorekin batera; Garbiñe Aranburu LAB sindikatuko idazkari nagusia; Pilar Kaltzada kazetaria; eta Leixuri Agirrezabalaga Eusko Legebiltzarreko Giza Eskubideen Batzordeko presidentea joango dira Wilaya de Auserdera, Tindufeko Saharar Errefuxiatuen kanpamentuetan. Saharar ordezkari politikoak, wilayetako gobernadoreak eta dairetako buruak ere egongo dira.

Tailerraren helburua emakumeen parte hartze politikoa zailtzen edo errazten duten faktoreak identifikatzea da; emakumeen ahalduntzean lagunduko duten gakoak aurkitzeko eta balizko ibilbide orri bat marrrazteko bereziki emakume sahararrei begira. Besteak beste, ahalduntze politikoaren inguruko esperientziak eta iritziak partekatuko dira, jarraitu beharreko norabidea ezartzeko, bai genero eskolarentzat, bai euskal kooperazioarentzat, proiektuotan ikuspegi hori txertatuz. Gainera, euskal herritarren artean saharar gaiaren inguruko sentsibilizazioa areagotu nahi da.

Emakunde-Emakumearen Euskal Erakundea Eusko Jaurlaritzaren erakunde autonomoa da, berdintasunerako politikak diseinatu, bultzatu, hain inguruan aholkatu, koordinatu eta ebaluatzen dituena, bai eta gizartea sentsibilizatzen duena ere.

• Temas
• Euskera
• Emakumeak