https://static.elcorreo.com/www/menu/img/zurekin-desktop.jpg

Euskal Autonomia Erkidegoko unibertsitate ikasleen %73ak unibertsitate publikoetan ikasten du

Euskal Autonomia Erkidegoko unibertsitate ikasleen %73ak unibertsitate publikoetan ikasten du
Mireya López

Ikasle hauen %85 gradukoak dira eta gainontzekoak, berriz, graduondoko ikasleak dira

UNAI SARRIUGARTE

Euskal Autonomia Erkidegoko unibertsitate ikasleen %73ak unibertsitate publikoetan ikasten du. Euskadiko biztanleriaren %44k unibertsitate-ikasketaren bat burutzen du eta Espainiar estatuko eskolatze-tasetan bigarren postuan dago euskal lurraldea. Hauexek Eustatek 2017/2018 ikasturtearen inguruan plazaratutako datuak dira. Guztira 66.757 ikasle matrikulatu ziren urte horretan EAEn.

Ikasleen %85 gradukoak dira eta gainontzenoak, berriz, graduondoko ikasleak dira. Hauexek master eta doktoregoko ikaskeak dira. Aurreko urtearekin alderatuz gero %2,4ko igoera graduen kasuan eta %1,2koa gainontzeko matrikulazioetan.

Campusen lurralde historikoari dagokionez, ikasleen %59k Bizkaiko unibertsitateetan egin dituzte ikasketak, %29k Gipuzkoako unibertsitateetan eta %12k Arabakoetan.

Halaber, graduko ikasketak jorratzen dituzten emakumeen kopurua %54ra heldu da. Graduko ikasketen kasuan, emakumeen kopurua handiagoa da, 9 puntuko aldearekin. Era berean, doktoregoetan emakumezkoen kopurua ere handiagoa da gizonezkoenarekin alderatuz gero. Edonola ere, masterretan zifra parekatua dago.

Generoa erabakigarria da unibertsitate-ikasketak aukeratzeko orduan. Izan ere, titulazioen %37an emakumezkoak gailentzen dira eta beste %37an gizonak.

Bestalde, 2017/18 ikasturtean 12.820 gaztek amaitu zituzten ikasketak eta hauetako %57 emakumezkoak izan ziren. Zehatzago esanda, 9.209 gradu-titulu banatu ziren, 3.244 master titulu, eta 367 doktoratu titulu.