Euskadik atzerapausoak ematen ditu energia berriztagarrietan

Euskadik erronka larria du oraindik energiaren arloan. Azken aste hauetan (baliteke apirilaren 28an gertatu zen itzalaldiaren ondorioz), asko eztabaidatu da Euskadiren behar energetikoari buruz. Eta datuei erreparatzen badiegu, aterako ditugun ondorioak nahiko kezkagarriak dira: Euskadin kontsumitzen denaren % 10 soilik sortzen da hiru lurralde historikoetan, eta 2024an, ekoiztutako energiaren % 17,3a bakarrik izan zen berriztagarria.

Arazoaren tamaina erraz uler daiteke beste komunitate batzuetako ekoizpenarekin alderatzen badugu. Momentu honetan, Euskadi azken postuan dago; soiliik Katalunia agertzen da antzeko datuekin, eolikoak eta fotovoltaikoak bere mixaren % 19 sortu baitzuten iaz (dena den, esan behar da beste % 60 batek bere lurzoruan dauden zentral nuklearrak sortzen dituztela).

Beste erkidego batzuek parke berriztagarrien eraikuntzan aurrera egiten duten bitartean, Euskadin kontrako norabidean goaz, eta 2024an 2018an baino energia berriztagarri gutxiago sortu zen. Red Eléctricaren datuen arabera, iaz guztira 939 GWh lortu ziren iturri naturaletatik, 2018ko 1.175 GWh-ren azpitik (% 23).

Kontua da Euskadin oso zaila dela proiektu eoliko bat aurrera ateratzea zailtasun administratiboengatik eta sortzen den oposizio sozial indartsuagatik. Plataforma ekologista askok defendatzen dute errotak eraiki nahi diren parkeetan hegazti-espezie babestuak daudela.

Baina, gainera, gero eta argiago dago gure kanpoarekiko mendekotasuna txikitu behar dugula, gure industriak bere lehiakortasuna gal ez dezan nahi badugu. Euskal enpresa asko kexu agertu dira energiaren prezio altuagatik, izan ere, gehiena atzerritik inportatua baitago. Gaur egun, Euskal Autonomia Erkidegoko eta Estatuko enpresa elektrointentsibo baten elektrizitate-kontsumoaren faktura Frantziako energiaren kostua baino 2,4 aldiz handiagoa da, eta hirukoiztu egiten du Estatu Batuena.

• Temas
• Euskera