https://static.elcorreo.com/www/menu/img/zurekin-desktop.jpg

Ertibil Bizkaia 2018 erakusketako irabazleek Japoniako artistekin egingo dute egonaldia

Helburua bertako artistekin talentua sustatzea eta sariketari nazioarteko proiekzioa ematea da

ELCORREO.COM

Ertibil-Bizkaia 2018 erakusketa proiektuan banatutako sari berezien irabazleei hiru hilabeteko egonaldia emango zaie Japoniako bi egoitzatan, bertako artistekin talentua sustatzeko eta sariketari nazioarteko proiekzioa emateko. Hala jakinarazi zuen atzo Lorea Bilbaok, Bizkaiko Foru Aldundiko Euskara eta Kultura diputatuak. Zehazki, María Muriedas Díez, Izaro Ieregi eta Maider Gonzalo Salceda artistek egingo dituzte egonaldiak.

Indarra hartzen ari diren 18 artistaren obrak bilduko ditu erakusketak, eta Bilboko Rekalde aretoan abiaraziko da. Ondoren, Gasteizko Montehermoso Kulturgunean (uztailaren 2tik urriaren 1era), Durangoko Arte eta Historia Museoan (urriaren 1etik 22ra), Galdakaoko Torrezabal Kultur Etxean (urriaren 31tik azaroaren 30era) eta Sestaoko Musika Eskolan (abenduaren 3tik 31ra) izango da ikusgai.

Bilbaok azpimarratu du proiektu «indartsua» dela, «sendotuta baitago duen ibilbide luzearen ondorioz». Gainera, egitasmoari faktore berria gehitu zaio: Japonian artista plastikoekin egonaldiak egitea. Ildo honetan, Japonian egonaldi bat egitean datza proiektuak, ekainean, uztailean eta abuztuan, eta Ertibil Bizkaia 2018 proiektuaren barruan banatutako hiru sari berezien irabazleak dira onuradunak: María Muriedas Díez, Izaro Ieregi eta Maider Gonzalo Salceda.

Horrela, foru erakundeak harremana sortu du Japoniarekin, eta Tokioko eta Fukuokako artista plastikoen bi egoitzatan hiru egonaldi horiek adostea lortu du, «gure lurraldeko artistak nazioarteko bihurtzen laguntzeko».

Bestalde, aurtengo Ertibil egitasmora espezialitate guztietako 90 artistaren 124 lan aurkeztu dira, eta horien guztien artetik hautatu dira Rekalde Aretoan ikusgai izango den Ertibil Bizkaia 2018 erakusketa osatzen duten 18 lanak.

Raquel Asensi, María Benito Piriz, Jone Elorriaga Soto, Jon Ander García, Helena Goñi, Eztizen La Cruz, Jara Navarlaz, Matxalen Oñate Esparza, Juan Pablo Orduñez / Mawa, Olatz Otalora, Anderperez, Laura Ruiz Sáenz, Ander Sagastiberri Fernández, Manu Tarrazo e Imagen 31 eta edizio honetan saria eskuratu duten María Muriedas Díez, Izaro Ieregi eta Maider Gonzalo Salceda dira edizio honetan obrak erakutsiko dituzten 18 artistak.

Temas

Euskera

Contenido Patrocinado

Fotos

Vídeos