https://static.elcorreo.com/www/menu/img/zurekin-desktop.jpg

Erabiltzailek balorazio «bikaina» eskaini diote Mungiako Arreta Zerbitzuari

Mungiako Haz zerbitzuko bulegoa./Mungiako Udala
Mungiako Haz zerbitzuko bulegoa. / Mungiako Udala

Herritarrentzako Arreta Zerbitzuko (HAZ) langileek eskainitako arretaren emaitza bikaina da, 5etik 4,8ko puntuazioa lortu dute

J. ECHEVARRÍA

Urtarrilean Mungiako Udaleko Herritarrentzako Arreta Zerbitzua (HAZ) erabili dutenen artean inkestak egin ostean, administrazioak zerbitzu honi buruzko gogobetetze-emaitzak ezagutzera eman ditu. Bertan, zerbitzua bera eta dituen baliabide eta kanalen maila puntuatu da, hala nola, bulegoaren kokapena, irisgarritasuna, txandari itxaroten eman den denbora, tramitazioaren burutze maila, erabiltzaileak aukeratutako hizkuntzaren erabilera eta hango langileek eskainitako arreta eta tratua, besteak beste.

Herritarrentzako Arreta Zerbitzua martxan jarri eta 15 hilabetegarrenean, zerbitzu hau erabiltzen dutenek oso ondo baloratu dute. Arduradunek diotenaren arabera, «Udala, modernizazio plan bati jarraituta, teknologia berriak ezartzen joan da, etengabeko hobekuntza sustatuz, udal tramitazioak erraztuz eta zerbitzuak herritarrengana are gehiago hurbilduz». Inkestak egiteko erabili den formatua presentziala izan da, aurrez aurrekoa; hau da, erabiltzaileei zuzenean egin zaizkie HAZetik irtetzerakoan. Gauzak horrela, Herritarrentzako Arreta Zerbitzuaren erabiltzaileek aurten egindako balorazioak 2017koak baino hobeak dira.

Ondoen baloratutako zerbitzua HAZeko langileek eskainitako arreta bikaina izan da; izan ere, 5etik 4,8ko puntuazioa lortu du. Ager Izagirre Mungiako alkateak HAZeko langileak egiten ari diren «lan ezin hobea» azpimarratu nahi izan du, eta «Udal departamentu honetan eta, Udalean, orokorrean, lan egiten duten langileen lan-ahalmen eta -erantzukizunaz guztiz harro» dagoela adierazi du ere bai, «jendaurrerako lan egitea ez delako hain erraza», gaineratuta.

Bulegora heltzeko bidea eta honen kokapena ere oso ondo baloratu dituzte, eta batez besteko nota 4,6koa izan da. Itxaroten eman den denborari dagokionez, honek 4,3ko puntuazioa izan du eta tramitazioaren burutze-mailak, berriz, 4,1. Horrez gain, erabiltzaileak aukeratutako hizkuntzaren erabilerak ere harrera ona izan du: 4,5eko emaitza, alegia.

Temas

Euskera
 

Fotos

Vídeos