https://static.elcorreo.com/www/menu/img/zurekin-desktop.jpg

'Envà' antzezlana ikusgai izango dugu larunbatean Amurrion

'Envà' antzezlana ikusgai izango dugu larunbatean Amurrion

Juan de Urrutia Plazan izango da, 20.00etan, Amer i África Circ Cia konpainiaren eskutik

PAUL PICADO

Larunbatean Araia-Asparreneko Umore Antzerkiaren Jaialdiaren beste antzezlan bat ikusgai izango dugu Amurrion. Hain zuzen ere, Amer i África Circ Cia konpainiakoek 'Envà' izeneko antzezlana prestatu dute, eta Juan de Urrutia plazan erakutsiko dute, 20.00etan. Lan honetan bi pertsona aritzen dira 250 kg-ko lastoaren eta 125 kg-ko gizakiaren artean. Hala nola gizakiaren ergelkeriari eta pertsonen arteko harremanei buruz hitz egiten dute, mugimenduaren, oreken, umorearen eta espazioaren konposizioaren bidez.

Antzezleak Amer Kabbani eta África Llorens dira, konpainiaren sortzaileak berak. Ariketak egiteko eskuez baliatzen diren teknikan espezializatuta dauden bi zirku-artista dira, eta 2011. urtean ezagutu zuten elkar Bartzelonako Zirkuaren Zentralean, ariketa bertikaletan prestatzen ari zirenean. Hortik aurrera teknika hobetzeko eta beren hizkuntza bilatzeko prestakuntza hasi zuten.

África Llorens Karatearen mundutik dator eta Amer Kabbani prestakuntzaren, zirkuaren eta clown-en mundutik, beraz, teknikak eta zehaztasunak, interpretazioarekin eta eszenaratzearekin bat egin dute. Horrela, hiru ikuskizun labur prestatu dituzte, non oreka, desoreka eta berroreka lantzen duten.

2013. urtean Besmina saria irabazi zuten, eta horri esker, 'Equiinox' izeneko ikuskizuna sortu zuten. Geroago, karatea ere erabiltzen zuten 'Bunkai' saioa prestatu zuten, Katalunian eta Erresuma Batuan aurkeztu zutena, eta 2015. eta 2016. urteetan Kataluniako Zircolika sarietarako hautatu zituzten. Azkenik, 2017, urtean, Marseillan, Portugalen, Alemanian, Holandan, Erresuma Batuan eta Frantzian ibili ziren bira ematen.

Temas

Euskera