https://static.elcorreo.com/www/menu/img/zurekin-desktop.jpg

Enpresariek 'top manta'-ko erosleak zigortzea eskatu dute

Bi ertzain, 'top manta'-ko postu batzuen aurrean, Bilbon./Luis Calabor
Bi ertzain, 'top manta'-ko postu batzuen aurrean, Bilbon. / Luis Calabor

Pedro Camposek, Bizkaiko Merkataritzako Enpresari konfederazioko (Cecobi) presidenteak, gogorarazi du «halako neurriak martxan direla jada Peñiscolan eta gure herrialdeetako erakundeek horren alde ere egin beharko luketela ere bai»

JAN ECHEVARRÍA

'Top manta'-k protagonismo handia hartu du azken asteetan Bartzelonan izandako istiluen ondorioz. Eta, orain, Pedro Camposek, Bizkaiko Merkataritzako Enpresari konfederazioko (Cecobi) presidenteak, Bizkaiako udaletxeek produktu horiek erosten dituzten kontsumitzaileak zigortzea eskatu du. Gogorarazi duenaren arabera, «halako neurriak martxan dira jada Peñiscolan eta gure herrialdeetako erakundeek horren alde ere egin beharko dute ere bai».

Cecobiko arduradunak ostegunean adierazi zuen sektoreak urte asko daramatzala enpresariek pairatzen duten «konpetentzia desleiala» salatzen. Hortaz aparte, 'Top manta' kontsumitzaileentzako «arriskutsua» dela azpimarratu zuen, erosleek «ez baitakite zer jasotzen duten eta ez baitzaie eskaintzen produktuaren gaineko bermerik». Hori nahikoa ez balitz, ogasunentzat kaltegarria dela gaineratu zuen, eta baita kaletik ibiltzen duen jendearentzat «arriskutsua» ere.

Salaketez gain, salmenta ibiltariak azken urtean Euskadin «gora egin» duela adierazi zuen, nahiz eta Bartzelonan, Madrilen... egoera kezkagarriagoa dela onartu ere bai. Bizkaiaren kasuan, dena den, ehunka pertsona jarduera horretara dedikatzen direla eta, beraz, konponbideak lehen bait lehen lortu behar ditugula nabarmendu zuen.

Ildo horretan, enpresariak dokumentu bat lantzen ari direla esan zuen. Helburua, datu eta argazkien bidez salmenta ilegala aurrera doala erakustea izango da eta horren aurka borrokatzeko balio izango duten proposamenak eskaintzea ere. «Udalerriek inplikatu beharko dira eta salmenta ibiltarien aurka behar bezala borrokatu», gaineratu du.

Temas

Euskera

Contenido Patrocinado

Fotos

Vídeos