https://static.elcorreo.com/www/menu/img/zurekin-desktop.jpg

Enpresa simulatu baten sare korporatiboa garatuko dute bost ikastetxeetako ikasleek

Hilabete eta erdian erronka bati aurre egin beharko diote 90 ikasleek: taldetan egingo dute lan, ikastetxe bakoitzean zenbait aplikazio zerbitzari instalatzeko, hainbat egoitza dituen enpresa bat simulatuz

ELCORREO.COM

Aurreko astean, Zabalburu, Txorierri, Deustuko Salestarrak, Egibide eta Somorrostro ikastetxeetako Telekomunikazio eta Informatika Sistemen Zikloko 90 ikasle bildu zituen Euskaltelek bere egoitzan, Derion, SHARE ikastetxe arteko proiektua aurkezteko helburuz. Hilabete eta erdian erronka bati aurre egin beharko diote 90 ikasleek: taldetan egingo dute lan, ikastetxe bakoitzean zenbait aplikazio zerbitzari instalatzeko, hainbat egoitza dituen enpresa bat simulatuz. Hala, hainbat egoitzatan kokaturiko enpresa simulatu baten sare korporatiboa garatuko dute, eta horretarako Euskaltelen esperientzia eta laguntza izango dute.

Ikasleek tokiko eremu sare bat garatu beharko dute parte hartzen duen ikastetxe bakoitzean kokalekuak izango dituen enpresa simulatuan. Ondoren, hainbat zerbitzu jarriko dituzte sare horretan (direktorio aktiboa, fitxategien zerbitzariak, inprimaketa zerbitzariak, DNS domeinu izenen sistema, web zerbitzua, FTP fitxategien transferentzia zerbitzua, Moodle plataforma, VoIP telefonogunea eta abar), eta gainerako kokapenetatik edo parte hartzen duten ikastetxeetatik sarbidea bermatuko dute, Interneteko edo Intraneteko zerbitzuetarako konexioak simulatuz edo VPN sare pribatu birtualetan oinarritutako sarbideen bidez.

Proiektu horrek irakasleei eta ikasleei aukera emango die askotariko IKT tresnak erabiltzeko (posta elektronikoa, mezularitza, VoIP, bideokonferentzia, cloud computinga, LMS), eta Arazoetan Oinarritutako Ikaskuntza metodologia pedagogikoa erabiliko dute. Horrela, ikasleek ardura eta inplikazio handiagoz jardungo dute beren lana garatzean, eta lan ingurunean aurki daitekeen antzeko giroa sortzea lortuko da.

Temas

Euskera

Contenido Patrocinado

Fotos

Vídeos