https://static.elcorreo.com/www/menu/img/zurekin-desktop.jpg

Emakume errefuxiatuei buruzko zikloa, Bilborocken

Emakume errefuxiatu bat, bere semearekin./Afp
Emakume errefuxiatu bat, bere semearekin. / Afp

Bizkaiko hiriburuak beste kontinente batzuetako emakumeen errealitatea jorratuko du Emakume migratzaile eta Errefuxiatuak: mugen bizirik' zikloan

ELCORREO.COM

Martxoan zehar, Bilbok beste kontinente batzuetako emakumeen errealitatea jorratuko du 'Emakume migratzaile eta Errefuxiatuak: mugen bizirik' izeneko zikloaren bitartez. Ikus-entzunezkoen erakusketa horrek emakume etorkin beltzen begirada, bizipenak eta ekarpenak eta euren bidean topatu dituzten zailtasunak erakutsiko ditu martxoaren 5ean, 25ean eta 26an.

Itziar Urtasun Bilboko Udaleko Berdintasun, Lankidetza eta Bizikidetzako zinegotziak eman zituen ostiral honetan ekimen honen gaineko zehaztasunak prentsaurrekoan. Bertan izan ziren erakusketa hau antolatu duten hiru erakundeetako ordezkariak: Ongi Etorri Errefuxiatuak zinema-komitea, Emakumeen Dokumentazio Zentroa eta Zinemakumeak Gara, Bilboko Emakumeek Zuzendutako Zinemaren Erakusketa.

Urtasunek esan duenez, zikloa Bilborock Aretoan egingo da, saio guztiak 19:00etan hasiko dira eta sarrera doakoa izango da leku guztiak bete arte. Bertan, emakumeek zuzendutako dokumentalak, film laburrak eta antzezlanak eskainiko dira eta,beraz, «eurak izango dira erabateko protagonistak».

Emakume beltzen sexualitateari buruzko ikuspegiak

Esan bezala, zikloa datorren astelehenean, martxoaren 5ean, hasiko da Mujeres por África Fundazioko Ines Parisek zuzendutako 'Manzanas, pollos y quimeras' dokumentalarekin. Lali protagonistaren bidez bere errealitatea eta barru-barruko sentipenak ezagutuko dira, baita atzendutako eta ikusezin bihurtutako emakume-talde baten itxaropenak eta ameskeriak, afrikar beltzenak, alegia.

Bestalde, martxoaren 25ean, igandean, Silvia Albert Sopalek zuzendari donostiarrak 'No es país para negras' antzezlana aurkeztuko du. Zenbait pertsonaia aurkeztu eta mintzaira fisikoaren bitartez eta umorea erabilita, arrazakeriari eta emakume beltzen sexualitateari eta nortasunari buruzko zenbait ikuspegi azalduko dira bertan.

Eta amaitzeko, martxoaren 26an, astelehenean, 'De la invisibilidad a los derechos' izeneko mahai-ingurua ospatuko da. Parte-hartzaileak: Paula Palacios film laburren zuzendaria, Augustine Kinkela Lunzitisa Kongoko Errepublika Demokratikoko errefuxiatu politikoa eta Mugimendu Panafrikanistako kidea eta Ane Garay CEAR-Euskadiko ordezkaria izango dira. Moderatzailea Maya Amrane kultur bitartekaria izango da. Hara hurbiltzen direnek eztabaidatuko dute emakume etorkin beltzen errealitateaz.

Azkenik, eta jarduera osagarri moduan, Paula Palacios martxoaren 26an, astelehenean, 09:30ean hasita, 'Cine documental: mujeres y refugiadas' topaketako protagonista izango da Leioako campuseko Gizarte eta Komunikazio Zientzien Fakultateko Auditoriumean.

Temas

Euskera

Contenido Patrocinado

Fotos

Vídeos