https://static.elcorreo.com/www/menu/img/zurekin-desktop.jpg

Elikagai eta Gastronomia Ondarearen aldeko jardunaldiak hasiko dira gaur

Sukaldariek beren janaririk ikusgarrienak erakutsiko dituzte./
Sukaldariek beren janaririk ikusgarrienak erakutsiko dituzte.

Gazteizko kultura-jardunaldien hamahirugarren edizioa izango da aurtengoa

PAUL PICADO

Elikagai eta Gastronomia Ondarearen aldeko XIII. Kultura Jardunaldiak hasiko dira gaur. Slow Fooden ekimen bat da eta helburua bertako produktuak eta ekoizleak sustatzea da. Guztira hiru egun izango dira, astelehena, asteartea eta asteazkena, eta lurraldeko sukaldaririk ezagunenetako batzuk bertaratuko dira.

Jardunaldiak Mendizorrotzan dagoen Egibide Ostalaritza Eskolako Telletxea erakustaldi aretoan izango dira, eta sukaldariek beren janaririk ikusgarrienak erakusteko aukera izango dute. Aurtengoa hamahirugarren edizioa izango da eta Slow Food filosofiaren eta gaur egungo kultura gastronomikoari egindako ekarpenaren hainbat erakusketa izango dira.

Bestalde, sukaldaritzako erakustaldiak ere izango dira, eta, besteak beste, zenbait plater berezi prestatuko dituzte. Plater horiek nola egiten diren eta prestatzeko zer produktu erabili dituzten ere azalduko dute. Eta nola ez, plater horietako batzuk dastatzeko aukera ere izango da, haiekin hartzeko egokiak diren ardoekin.

Parte-hartzaileen artean besteak beste hauek izango dira: Luis Ángel Plágaro, Sukalki tabernakoa; Mikel Fiestras, La Regadera jatetxekoa edo Iñigo Gordobil, Jardines de Uleta jatetxekoa.

Jardunaldi hauek Arabako produktuak nabarmentzeko eta zabaltzeko aukera ezin hobeak dira. Halaber, bertako biodibertsitatea berreskuratzeko eta bideratzeko ekimenak garatzen dituzten erakundeak eta pertsonak biltzen dira. Azken batean gure lurraldeko produktuak eta ekoizleak sustatzen dira, eta horrenbestez, bertako produktua eta gure kultura ere.

Temas

Euskera

Contenido Patrocinado

Fotos

Vídeos