https://static.elcorreo.com/www/menu/img/zurekin-desktop.jpg

EHUko ikasle berrien %10 heltzen da Lanbide Heziketatik unibertsitatera

EHUko ikasle berrien %10 heltzen da Lanbide Heziketatik unibertsitatera
BERNARDO CORRAL

Guztira, 814 ikaslek hasi dute ikasturtea unibertsitate publikoan LHko ikasketak amaitu ostean. EHUko 25 gradutan aitortzen dira Euskal Autonomia Erkidegoan (EAE) ematen diren goi mailako teknikari tituluetako kredituak

AMALIA IBARGUTXI

Abian den ikasturte honetan, gora egin du Euskal Herriko Unibertsitatera (UPV/EHU) Lanbide Heziketatik salto egindako ikasle-kopuruak. Zehazki, unibertsitatea hasi duten ikasle horiek, guztien %10,50 dira, 814 ikasle guztira. Kopuru horrek %13,50eko igoera dakar aurreko ikasturtearekin alderatuta, beraz.

Unibertsitatetik uste dute, joan den astean EHUk Jaurlaritzako Hezkuntza Sailarekin sinatutako hitzarmenak izan duela zerikusia horretan. Hitzarmen horren bidez, kredituak aitortuko dira kontuan izanda graduko tituluko eta goi mailako teknikari tituluko gaitasunen egokitasuna, ezagutzak eta ikaskuntzaren emaitzak.

Lanbide Heziketako goi mailako titulazioetatik datozen ikasleei kredituak aitortzen dizkie EHUk, beraz, kontuan izanda zein gradutan egiten duten matrikula. Horrela, aitortza horrek aukera ematen du unibertsitatean prestakuntza ibilbideak zehazteko, unibertsitatera heldu aurretik lortutako gaitasunen osagarri. Zehazki, EHUko 25 gradutan aitortzen dira Euskal Autonomia Erkidegoan (EAE) ematen diren goi mailako teknikari tituluetako kredituak, eta, guztira, 32 titulu dira aitorpena dutenak.

Araceli Garin EHUko Graduko eta Graduondoko Ikasketen errektoreordeak adierazi duenez, «titulu familiekin hasi ziren lanean, eta egun, aitorpen horrek eragina dauka hainbat eta hainbat graduko ikasketetan, ia jakintza arlo guztietakoak. Akordioak erraztu egiten du goi mailako lanbide heziketako ikasleak unibertsitatera etortzea, oraindik garatu gabe dagoen arren alderantzizko bidea: unibertsitatetik lanbide heziketara joateko bidea«.

Hitzarmen hau unibertsitateko eta lanbide heziketako adituek eta Eusko Jaurlaritzako Hezkuntza Sailak urteetan izandako lankidetzaren ondorioz sortu da.

Temas

Upv, Euskera
 

Fotos

Vídeos