Euskal kulturaren eztanda: Rubén Ramos da aurtengo Durangoko Azokaren kartelaren egilea
Aurrez aurreko salmentaz gain, online dendari ere eutsiko dio Azokak. Aurtengo edizioa abenduaren 7tik 11ra ospatuko da
Comenta
Durangoko Azokak pandemia aurreko ohiko formatua berreskuratuko du 57. ediziorako. Hori bai, une horretan sortutako online denda mantenduko da ere. Abenduaren 7tik 11ra Durango euskal kulturaren hiriburua izango da berriz. Aurtengo leloa 'eztanda' da eta astearte honetan aurkeztu den kartelaren egilea Rubén Ramos da.
Ibilbide luzeko diseinatzaile eta sortzailea da Rubén Ramos. Zinemaldia, Heineken Jazzaldia, Etxepare Euskal Institutua, Loreak Mendia... bezalako ekitaldi, erakunde eta marketarako egin du lan. Gainera, aurten Aise Studioa izeneko agentzia sortu du kide batekin batera. Horrez gain, musikaria ere bada. Izan ere, duela urte gutxi batzuk bere taldearekin batera postu bat izan zuen Durangoko Azokan bertan.
