https://static.elcorreo.com/www/menu/img/zurekin-desktop.jpg

Darwinen Eguna ospatuko dute gaur, Bilbon

Charles Darwin./
Charles Darwin.

Hitzaldi-solasaldi bat eskainiko du astearte honetan Bilboko Udalak zientzialaria jaio zen egun berean

EL CORREO

Darwinen Eguna ospatuko du Bilboko Udalak gaur, asteartean, Itziar Laka Euskal Herriko Unibertsitateko (EHU) Hizkuntzalaritza eta Euskal Ikasketa Saileko Hizkuntzalaritza katedradunak eta Pablo Malo Osakidetzako Bizkaiko Buruko Osasun Sareko psikiatrak parte hartuko duten hitzaldi-solasaldiarekin.

Charles Darwin eboluzioaren teoriaren asmatzailea izan zen, Alfred Russel Wallace-rekin batera, eta otsailaren 12an jaio zeneko 210. urteurrena ospatuko da, lengoaiaren bilakaerari eta norbere buruaz beste egiteari eta eboluzioaren teoriari buruzko bi ponentziatan oinarritutako hitzaldi-solasaldiarekin, Bilboko Udalak jakinarazi duenez.

Hitzordua arratsaldeko 19:00etan izango da, Bidebarrietako liburutegiko ekitaldi aretoan, eta sarrera librea izango da. Ezinbestekoa izango da aurretik gonbidapena jasotzea, liburutegian bertan; gehienez ere lau sarrera jaso ahalko dira pertsonako. Leku guztiak betetzen direnean ez zaio inori aretora sartzen utziko, baina saioa streaming bidez jarraitu ahal izango da www.kulturguneatb.eus webgunean.

Horrela, 'En torno a la evolución del lenguaje' izeneko hitzaldian, azken urteetan giza lengoaiaren jatorriaren eta bilakaeraren inguruan metatuz joan den ebidentzia zientifikoa aztertuko du Itziar Lakak, lengoaiaren oinarri genetikoak eta neurobiologikoak eta gure espeziearen historia hobeto ulertzen laguntzeko. Amaitzeko, lengoaia giza espeziean bakarrik zergatik garatu den eztabaidatuko da.

Bestalde, Pablo Malok 'Suicidio y Teoría de la Evolución' hitzaldia eskainiko du. Norbere buruaz beste egitea eta bestelako jokabide auto-suntsitzaileak indar eta fenomeno naturalen ondorio direla azalduko du, gure izaeraren parte direla, batzuetan gure intuizioak kontrakoa adierazten badu ere. Horrez gain, gizarteak, bekatu eta delitu gisa ere hartu izan den norbere buruaz beste egiteari buruz dituen balorazioak eta aurreiritziak gure historia ebolutiboak baldintzatu dituela ere azalduko du. Ez ezazue pentsa eta anima zaitezte hitzaldi honetaz gozatzera.

Temas

Euskera
 

Fotos

Vídeos