https://static.elcorreo.com/www/menu/img/zurekin-desktop.jpg

'Contraescena' antzezlana izango da bihar Felix Petite Antzokian

'Contraescena' antzezlanaren irudi bat./
'Contraescena' antzezlanaren irudi bat.

Emanaldia 20:30ean hasiko da eta gutxi gorabehera ordubete eta 20 minutuko iraupena izango du

PAUL PICADO

Bihar The Funamviolistas konpainiaren 'Constraescena' antzezlana izango dugu Felix Petite Antzokian. Emanaldia 20:30ean hasiko da eta gutxi gorabehera 21:50ean amaitzea aurreikusita dago. Sarreren prezioa 15 eurokoa da eta Kutxabank-en webgunearen bitartez eros daitezke. Dagoeneko oso sarrera gutxi geratzen dira.

'Contraescena' antzezlana Funamviolistas konpainiaren bigarren ikuskizuna da, eta hiru artista ibiltariren intimitateak kontatzen dira bertan. Berez, musika-antzerki baten showarekin bira ematen ari diren hiru emakumeren bizipenak dira. Emakume bakoitzak bere istorioa kontatzen du, hitzik gabe, keinu eta mugimenduak eginez, eta biolinaz, biolaz eta kontrabaxuaz baliatuz.

Horrela, musika estilo eta iturri desberdinetatik hartutako musika jotzen dute, hala nola errepertorio klasikotik, gaur egungo musika-talde eta konpositoreetatik, zinema eta telebistako musika programetatik, non jazza, tangoak eta musika herrikoia entzuten diren. Antzezleek beren moldaketak egiten dituzte, hirukotearen ahotsetara egokitzeko.

The Funamviolistas konpainiak 2013ko otsailean aurkeztu zuen lehen ikuskizuna, eta handik hilabete batera Musika ikuskizun onenaren saria irabazi zuen Madrilen. Urte berean, Aretoko ikuskizunik onenaren saria irabazi zuen Gaztela eta Leongo Antzerki Azokaren XVI. edizioan. Horri esker, bira bat egin zuen Estatuko zenbait antzokitatik.

'Contraescena' 2017ko irailean estreinatu zuen Madrilen, eta sarrera guztiak agortu zituen. Ana Hernandez, Mayte Olmedilla eta Lila Horovitz dira konpainiaren sortzaile eta ekoizleak, eta ikuskizunen protagonistak.

Temas

Euskera