https://static.elcorreo.com/www/menu/img/zurekin-desktop.jpg

'Carpinteros' izeneko antzerki berezia izango da larunbatean Kuartangon

'Carpinteros' izeneko antzerki berezia izango da larunbatean Kuartangon
Blanca Castillo

Zuatzuko antzinako bainuetxean izango da ikuskizuna, 18:00etan

PAUL PICADO

Larunbatean ikuskizun berezia izango da Kuartangon dagoen Zuatzuko antzinako bainuetxean. Hain zuzen ere technoa eta dantza bateratzen dituen lan performatiboa izango da 18:00etan, Izkiko parke naturalean dauden okilen inguruan egindako ikerketa batean oinarrituz.

Artistak besteak beste ornitologoek erabiltzen dituzten okilen apeuen, basoaren plastikotasunaren eta «okil errusiar gisa» ezaguna den Duga-3 antenak egindako soinuen artean loturak ezartzen ditu. Zuzeneko emanaldia kuatrifonian aurkeztuko da, eta horri esker, soinuaren bidez giro inguratzaile bat sortuko da.

Lan honen komisario Leyre Goikoetxea Martinez izan da, eta Anabel Quincoces, Belen Cerezo eta Miriam Isasi artistekin aritu da, Araban esku hartze artistikoa bultzatzeko Eskualdea programaren barruan. Programa horretan, hiru proiektu hautatu dira, eta horietako bat Leyre Goikoetxearen «Hiruki bat, 3 erpin, errizoma izatea» izenekoa izan da. Lan honetan, naturaz hitz egiten saiatzen dira artistak.

«Carpinteros» lanean parkeko okilen zenbait hots grabatu dituzte, eta horrez gain, behaketa materiala ere berrikusi ditu. Horrela, agertoki natural batean izango da emanaldia, bideoz grabatutakoa.

Emanaldia ikustera joan nahi duenak doako autobusa izango da Gasteiztik. Horrela, 17:00etan Artium zentrotik abiatuko da, eta 19:00etan Kuartangoko Zutzatik. Ezinbestekoa izango da izena ematea, izan ere plazak mugatuta daude. Horrela egin nahi izanez gero, mezu elektroniko bat bidaliko behar da helbide honetara: untriangulotresvertices@gmail.com.

Temas

Euskera