https://static.elcorreo.com/www/menu/img/zurekin-desktop.jpg

EH Bilduk Arabako Lautadako Kuadrillaren aurrekontuari 15 zuzenketa aurkeztu dizkio

SERGIO EGUÍA

EH Bilduk Arabako Lautadako aurrekontuari 15 zuzenketa aurkeztu dizkio. Ia gehienek langileen lan baldintzak hobetzea eta egonkortasuna bilatzen dute zerbitzu batzuk “hankamotz” gelditu direlako. Zentzu horretan, EH Bilduk Langileen Lanpostuen Zerrenda eguneratzea eta lanpostu guztien balorazioa egitea planteatzen du sortu diren beste lanpostu batzuk sartuz. Horien artean, berdintasuneko teknikaria jardunaldi osoan, ingurumeneko teknikaria jardunaldi erdian eta oinarrizko gizarte zerbitzuen sailean %75eko jardunaldia duen administratiboa daude.

Oinarrizko zerbitzu sozialak indartu nahi ditu EH Bilduk, zerbitzuak berak eta Arabako Foru Aldundiak egindako azterketek gabeziak daudela ondorioztatu dutelako. Berdintasuneko alorrean zein parte-hartzean ere horrelakoak antzeman dira. Lehen kasuan, udalek ohartarazi dute eta, bigarrenean, zeharkako dinamika parte-hartzaileak bultzatu nahi dira toki erakundeen zein herritarren artean.

Konpostage teknikak indarrean jartzea helburua izanik zerbitzu hori indartzea ere proposatu du.

Bestalde, 44.400 euroko aurrekontu sail berri bat sortzea planteatzen da “11 egun euskaraz” ekimenaren antolakuntzan laguntzeko. Eusko Jaurlaritzak bultzatuta, Arabako Foru Aldundiarekin zein Topagunearekin batera, 2018an garatuko da eskualde mailan. Gastuei aurre egiteko, EH Bilduk Udalek egiten dituzte ekarpenak handitzea eta toki erakundeen finantzazioren bitartez finantzazioa proposatu du.

Contenido Patrocinado

Fotos

Vídeos