https://static.elcorreo.com/www/menu/img/zurekin-desktop.jpg

Bihar Bertso Jaialdia ospatuko da Galdakaon

Beste batzuen artean Amets Arzallus, Sustrai Kolina eta Maialen Lujanbio txapelduna bertan arituko dira

IZASKUN MOYANO

15.000 zaleek ikusi eta entzun zuten zuzenean joan den igandean ospatu zen Bertso Txapelketa Nagusia BECen. Baina telebistako datuei erreparatuz ere, share handia lortu zuen ETBk emanaldia zuzenean eskainita. Oro har, bertsolaritzak Euskal Herri osoan jarraitzaile ugari dituela esan daiteke. Beraz, ziur bihar Galdakaoko Torrezabal Kultur Etxea jendez lepo beteko da.

Arratsaldeko 20.30tik aurrera, Maialen Lujanbio txapelduna, Amets Arzallus eta Sustrai Kolina finalistak, Fredi Paia, Iker Zubeldia eta Miren Amuriza bertsolariak Galdakaon izango dira, beraien talentua hainbat zaleren aurrean erakusteko. Guztiek, gai- jartzaile lanetan arituko den Arkaitz Estiballesen aginduak jarraituko dituzte adi bertsoak botatzerako orduan. Modalitate eta doinu ezberdinak tartekatuz, bertsotan igaroko dute arratsalde gaua.

Udalerriko Torrezabal Kultur Etxean ikuskizunaz gozatzeko sarrerak dagoeneko salgai daude 6 eurotan. Bazkideek ordea, 4,5 euro ordaintzeko abantailaz goza dezakete. Gainera, antzerkiko kupoia trukatzeko aukera izango dute txarteldegian, bi sarreretan %50eko deskontua egingo dietelarik. Bestalde, 65 urtetik gorakoek, langabetuek, Gazte Txartela dutenek eta ikasleek 5 euro ordainduta sar daitezke.

Bertso Txapelketa Nagusiko finala Barakaldon ospatu zen arren, gainontzeko probintzietan baino jarraitzaile gutxiago ditu. Izan ere, taula gainean finalista bizkaitar bakarra zegoen: Igor Elortza. Hala eta guztiz ere, bihar Galdakaon zale asko batzea espero dute, euskal bertsolari onenetako sei izango baitira mikrofono aurrean.

Temas

Euskera

Contenido Patrocinado

Fotos

Vídeos