https://static.elcorreo.com/www/menu/img/zurekin-desktop.jpg

Bejo rap-abeslari kanariarraren kontzertua, Kubik aretoan

Urrian bere estudioko bigarren lana kaleratuko du, baina dagoeneko sei abesti entzungai dira Interneteko bideoklipetan

PAUL PICADO

Gaur Bejo rap-abeslari kanariarraren kontzertua izango dugu Kubik aretoan. Aretoko ateak 22:00etatik aurrera zabalik egongo dira, baina oraindik ez dute adierazi kontzertua zer ordutan hasiko den. Sarrerak Interneten (13,20 €, kudeaketa-gastuak barne hartuta) eros daitezke eta 16 urtetik beherakoak ezingo dira sartu.

Bejo artista kanariarrak bere estudioko bigarren lana kaleratuko du datorren urriaren 4an, «Parafernalio» izenekoa. Guztira, hamar abesti dira eta dagoeneko sei Interneteko bideoklipetan entzuteko aukera dago: «Perogrullo», «Una Papa Pal Kilo», «Onomeatropella», «Helarte», «Tupperware» eta «Hasta Abajo». Disko honen ekoizleak ume Beats, Cookin' Soul, Beaty Brain, Nico Miseria, Lativo Produce, Electic, Dj Pim, Horror.Vacui, Dj Pimp eta Ba$$ilones izango dira.

Bere lehen lana, «Hipi Hapa Vacilanduki» izenekoa, iaz argitaratu zuen, eta bigarren lan honekin Estatuko rap berriaren ezinbesteko artistetako bat bihurtu da. Hainbat estilo bateratzen ditu, hala nola rapa, trapa, Dancehall edo Reggae, betiere hitz-jokoak eta umorea erabiliz. Abestien gaiei dagokienez, bai ingurumenarekiko kezka, bai sentimenduak adierazten ditu.

Disko plataforma digital guztietan banatuko da, eta oso-osorik Spotifyn, kaleratzen den egunetik aurrera. Gero, Youtuben duen kanalean ateratzen joango dira. Berak dioenez, esaldiak eta erritmoak hartu eta bateratu ditu azken lanean, collage bat izango balitz bezala. Larunbateko kontzertuan azken lan honen abestiak eta aurretik egindako beste batzuk entzungai izango ditugu.

Temas

Euskera