https://static.elcorreo.com/www/menu/img/zurekin-desktop.jpg

'Azken antzoki dantza' mikro-antzerkia, Gasteizen

Gontzal Uribe eta Josune Velez de Mendizabal aktoreak./
Gontzal Uribe eta Josune Velez de Mendizabal aktoreak.

Gontzal Uribe eta Josune Velez de Mendizabal dira lan honen aktoreak, eta Gasteizko Kafe Antzokiko ur-biltegian egongo da ikusgai

PAUL PICADO

'Azken antzoki dantza' mikro-antzerkia izango da ikusgai, bihar, Kafe Antzokiko ur-biltegian. Tranpola konpainiak egindako obra honetan agertzen diren aktoreak Gontzal Uribe eta Josune Velez de Mendizabal dira, eta hiru emanaldi emango dituzte, 19.30ean, 20.00etan eta 20.30ean, 20 minutu besterik ez duen antzerkia delako. Obra iaz estreinatu zuten, Off Lokal ekimenari egindako omenaldian. Obra ikusteko toki kopurua mugatua da, beraz, hemen eman behar da izena.

Antzerki labur honetan Margarita eta Serafin agertzen dira, Principal Antzokian harrapatuta geratu diren bertako bi langile. Istripu bat geratu da bat-batean eta harrezkero eraikin zahar horretan bizi dira. Principal Antzokia beterik dagoen bakoitzean, telefono mugikorrak itzaltzeko oharra entzun ondoren, Margaritak eta Serafinek beren ikuskizuna egiten dute, baina ez dakite publikoak inoiz ikusiko dituen.

Gasteizko Arte Eszenikoen Lantegiko ikasleek sortu zuten Tranpola Antzerki Taldeak prestatu du obra. 2013. urtean abian jarri zen taldea, eta bere lehen lana 'El vínculo' izeneko obra izan zen, 2015. urtean. Zenbait kidek Bartzelonan lan egiten dute, eta beste batzuek, Gasteizen.

Aktoreei dagokienez, Gontzal Uribek eta Josune Velez de Mendizabalek 'Artedrama' izeneko antzerki-jardunaldietan ezagutu zuten elkar 2016. urtean. Hurrengo urtean, Tranpola konpainiaren 'Verónica, ella y yo' antzezlanean parte hartu zuten, eta oraingoan, 'Azken antzoki dantza' mikro-antzerkirako berriro elkartu dira. Testuak eta jatorrizko ideia eurenak dira.

Temas

Euskera