Bihar Zinelekuren beste edizio bat hasiko da Gasteizen

Bihar asteartean Zinelekuren beste edizio bat hasiko da Gasteizen. Berez, ikus-entzunezkoetan prestatzeko, horiek ekoizteko eta erakusteko programa da. Horren barruan, uztailaren 16tik 26ra bitartean hainbat hitzaldi, emanaldi eta topaketa antolatu dira, ikus-entzunezko profesionala ezagutzeko.

Asteartean bertan lehen hitzaldia izango da, Baratza aretoan, 19:00etan, Eugenio Miraren eskutik. Hor, aurrekontu handiko lanetan, nazioarteko antzezleekin, filmatzean izan duen esperientzia azaldu du. Gauean jada, 22:00etan, Artiumeko barne plazan, egile beraren «Grand Piano» izeneko emanaldia izango da, jatorrizko bertsioan, gaztelaniazko azpitituluekin. Pianista gazte bikain baten istorioa azaltzen da, beldur eszenikoarengatik denboraldi batean kontzertuak emateari uzten diona. Emanaldi honetara Eugenio Mira zuzendaria bera bertaratuko da.