https://static.elcorreo.com/www/menu/img/zurekin-desktop.jpg

Artxandako futbol zelaiko instalazio berriak inauguratu dituzte

Juan Mari Aburto Bilboko alkatea izan zen ekitaldiaren buru./E.C.
Juan Mari Aburto Bilboko alkatea izan zen ekitaldiaren buru. / E.C.

Udal futbol zelaiko eraikin berriak 140 metro koadro ditu, hiru aldagela, komuna eta dibertsitate funtzionaleko pertsonentzat egokitutako beste komun bat

EL CORREO

Artxandako futbol zelaiko instalazio berriak inauguratu zituen ostegunean Bilboko Udalak. Eraikin berriak 140 metro koadro ditu, hiru aldagela, komuna eta dibertsitate funtzionaleko pertsonentzat egokitutako beste komun bat. Gainera, 30 metro koadroko gela bat dauka, altzariz hornitua, jokalariek ikasgela moduan erabil dezaten, entrenamenduen eta partiden aurretik, ostean edo bitartean. Badakizue, arbelan jarraitu beharreko estrategia marrazteko gunea, kirolariak motibatzeko ere balio duena. 19 lagun ingurur

Horixe da eraikinaren berrikuntzarik handiena da 30 metro koadroko areto bat duela, altzariz hornitua, 19 lagun ingururentzat. Jokalariek eta entrenatzaileek ikasgela moduan baliatu ahal izango dute entrenamenduen aurretik nahiz ostean. Horrela, Artxanda da ikasgela duen Bilboko lehenbiziko futbol zelaia .

Juan Mari Aburto Bilboko alkatea izan zen ekitaldiaren buru eta adierazi zuen gela hau «berrikuntza handia» dela, «kirola eta ikasleen bestelako ardurak uztartzeko aukera ematen duelako». «Saiatzen gara guztiek eduki dezaten kirola eginez gozatzeko aukera, eguneroko betebeharrak ahaztu gabe eta haiek betetzeko modua emanez», esan du.

Artxandako udal futbol zelaian 600 futbolari baino gehiago aritzen dira eta Bilboko hiru taldek erabiltzen dute: Moraza K.E., La Merced K.B. eta Bilboko Begoñazpi-Merced. Talde horiek izango dira azpiegitura berriaren onuradunak, bai eta Bilbao Kirolak erakundearen bitartez erreserba egiten duten erabiltzaileak ere.

Inaugurazio ekitaldian izan ziren ere udal gobernuko zinegotziak eta udalbatzako kideak. Aburtok instalazio berrien kalitatea nabarmendu du, hiriko udal ekipamenduen sarea hobetzen duela ideiarekin batera.

Temas

Euskera