https://static.elcorreo.com/www/menu/img/zurekin-desktop.jpg

Aretha Franklinen omenezko kontzertua izango da larunbatean Jimmy Jazzen

Aretha Franklin pasadan urtean zendu zen, 76 urte zituela./E. C.
Aretha Franklin pasadan urtean zendu zen, 76 urte zituela. / E. C.

Aretha Soul Divas eta The Silverbacks taldeak arituko dira 23:00ak aldera

PAUL PICADO

Aretha Franklinen omenezko kontzertua izango da larunbatean Gasteizko Jimmy Jazz aretoan. Kontzertu honetan Aretha Soul Divas eta The Silverbacks taldeak arituko dira. Aretoko ateak 22:00etan irekiko dituzte eta kontzertua 23:00ak aldera hastea aurreikusita dago. Kontzerturako sarrerak ohiko lekuetan eros daitezke, hots, online (19,5 euro) eta leihatilan (22 euro).

Aretha Soul Divas taldea proiektu jakin baterako sortu zen, 'Madrid es negro' jaialdiaren azken edizioari amaiera emateko hain zuzen ere. Baina arrakasta handia izan zuenez, izan ere, jendez asko ezin izan zen sartu leku mugatuak zeudelako, beste kontzertu batzuetarako ere elkartu egin dira.

Ziur asko musika beltzaren arloko emakumezko abeslaririk onenek osatzen dute taldea: Astrid Jones (Astrid Jones & The Blue Flaps), Juno Kotto King (Juno & Darrell), Mayka Edjole (The Sweet Vandals) eta Shirley Davis. Bakoitzak bere estiloa dauka, eta bakarka aritzen direnean edozein agertoki betetzeko gai ere badira.

Ematen dituzten kontzertuetan banaka eta denak batera abesten dute, beraz, denen artean banatzen da protagonismoa, eta bat ahots nagusia denean, besteek koruak egiten dituzte, beraz, denek dute nabarmentzeko aukera.

Kontzertu honetan Estatuko soul eta funk talderik onenaren laguntza izango dute, The Silverbacks taldea eurekin arituko delako. Kanten aukeraketa berezia egin dute kontzertu honetarako, eta ez dira faltako soularen dama handiena esaten dioten Aretha Franklinen abestirik garrantzitsu eta arrakastatsuenak.

Temas

Euskera