https://static.elcorreo.com/www/menu/img/zurekin-desktop.jpg

Araban tranpa gehiago jarriko dituzte Asiako Vespa Velutina liztorrak harrapatzeko

Araban tranpa gehiago jarriko dituzte Asiako Vespa Velutina liztorrak harrapatzeko

Araban tranpa gehiago jarriko dituzte Asiako Vespa Velutina liztorrak harrapatzeko

PAUL PICADO

Araban neurri berriak hartu dituzte Vespa Velutina espezieko liztorrak harrapatzeko. Horrela, Kuartangon, Laudion, Amurrion, Kanpezun eta Arabako Lautadako zenbait administrazio batzarretan 900 tranpa jarriko dituzte Asiako liztor horren erreginak harrapatzeko. Aurten, tranpak ez ditu Aldundiak bakarrik jarriko, izan ere, herritarrei eta Arabako erlezain elkarteei tranpak banatuko zaizkie, eurek ere jartzen lagun dezaten.

Liztor espezie hau inbaditzailea da eta bertako biodibertsitatea arriskuan jartzen du, batik bat erleak hiltzen dituelako. Esperientzia berria da, orain arte Aldundiak bakarrik jarri dituelako tranpak, eta esaterako, Kuartangon, Laudion eta Amurrion, zenbait jardunaldi antolatu dira herritarrei laguntza eskatzeko. Bestalde, Kanpezun eta Arabako Lautadan, tokiko erakundeetako teknikariek jarriko dituzte tranpak.

Araban espezie horretako gero eta liztor gehiago dago, eta joan den udaberrian dagoeneko 4.495 liztor erregina baino gehiago harrapatu zituzten. 2017. urtean, apirilaren amaieran izoztea egon zenez, kopuruak nabarmen egin zuen behera, baina iaz, 485 habia aurkitu ziren, beraz, 2016an baino 59 gehiago, eta 2015ean baino 321 gehiago. Kontuan hartu behar da liztor erregina batek bakarrik habia sekundario bat sor dezakeela, 2.000 kurumino baino gehiagorekin.

Hori izan da hain zuzen ere tranpa gehiago jartzearen arrazoia. Oraindik ez dakigu neurri horrek zer eragin duen, baina diotenez, Asiako liztor horren hedapena gelditzen ari da. Horrez gain, espezie inbaditzaile hori hobeto ezagutzeko aukera ematen ari da neurri hori.

Temas

Euskera