https://static.elcorreo.com/www/menu/img/zurekin-desktop.jpg

Araba Irekia jarri du abian Arabako Foru Aldundiak

Araba Irekia jarri du abian Arabako Foru Aldundiak

Atari berri horretara irekia.araba.eus helbidearen bidez sartuko da. Atari hori eduki berriz elikatuko da datozen hilotan

I.AGOTE

Foru Gobernu Kontseiluak gaurko bilkuran aztertu du Araba Irekia, Arabako Foru Aldundiaren Gobernu Irekiaren Ataria, abian jartzea. Abiatu ere, herritarrek eta lurralde historikoko erakunde publikoek etengabe eragin diezaieten elkarri eta, batez ere, herritarrek jardun publikoan parte hartu dezaten eta erantzule ere izan daitezen. Bitarteko horren bitartez, gardentasuna eta parte hartzeaz gain, kontu ere eman nahi da.

Araba Irekia mugarri da Foru Gobernuaren helburua lortzeko, hots, gobernu eredu ireki, parte hartzaile eta garden berri baterantz egiteko. Horren harira, ezinbesteko tresna da 1/2017 Foru Araua, Arabako Lurralde Historikoko sektore publikoaren gardentasun, herritarren parte hartze eta gobernu onarena, garatzeko. Foru arau hori duela urtebete onartu zen eta bera ere mugarri izan zen gobernu eredurako.

Araba Irekia atariaren helburua gardentasunaren foru arauan publizitateari buruz ezarritako betebeharrak herritarrei jakinarazi beharretik harago doaz. Izan ere, besteak beste, herritarren aditzea eta beraien eta foru sektore publikoaren arteko elkarrizketa sustatzea ere baditu helburu, jardun publikoa beraien eskaeretara egokitzeko. Era berean, herritarrek gai publikoetan parte hartzea eta nahastea ere nahi du, bai eta herritarron beharrak identifikatzea eta herritarrek gai publikoetan parte hartzeko behar diren tresnak eskuraraztea ere.

Atari berria, irekia.araba.eus helbidearen eta Arabako Foru Aldundiaren web orriaren bidez eskuragai dena, lehen fasean dago, funtzionamenduari gagozkiola, eta datozen hilotan edukiak eta atalak gehitzen jarraituko du, harik eta guztiz garatu arte. Hura diseinatzean, lehentasuna izan dute erabilera erraztasunak eta irisgarritasunak.

Contenido Patrocinado

Fotos

Vídeos