Amorebieta-Etxanoko Udalak Spotify kontua ere badu dagoeneko

Udalaren helburua sare sozialetan gero eta presentzia handiagoa izatea da, eta laugarren kanal horrekin, helburu hori nolabait beteko du. Bestalde, berdintasunezko gizartea ere lortu nahi du, eta Spotify plataformaren bidez, herritarrek bertako musika, arduratsua, errespetutsua eta ez-sexista entzun dezatela nahi du. Azken batean, berdintasunezko gizarte hori lortzeko bere ekarpena egin nahi du udalak.

Oro har, edozeini zuzenduta dago kontu berria, baina gazteei batik bat, eta horretarako, besteak beste, 'Beldur Barik' izeneko abesti-zerrenda dago, Zornotzako jaietako 'Zor-Hontza' abestia, 'Mangamoreko abestia' eta Zornotzako kantuak biltzen dituen 'Amorebieta-Etxano Kantuz kantu' izeneko bilduma.

'Beldur Barik' hori, hain zuzen, berdintasunaren alde eta emakumeenganako indarkeriaren aurka lan egiten duten udalek sortu zuten Berdinsarea sarearen barruan eratu zen programa da. Etengabe garatzen eta hedatzen den programa denez, gerora, ikastetxeen eta Euskal Herriko Unibertsitatearen inplikazioa sustatu zuten, gazteen artean indarkeria sexistaren eta matxismoaren aurkako gogoetak hedatze aldera.

Horregatik hain zuzen ere 'Beldur Barik' izeneko abesti-zerrenda horretan, kanta ez-sexistak sartu dira, baita ostiral honetan hasiko diren Zornotzako jaietan erabil daitezkeen kantak ere.

Temas

• Euskera
• Spotify