https://static.elcorreo.com/www/menu/img/alava-desktop.jpg

Mägo de Oz taldea Gasteizen izango da ostegunean

Mago de Oz taldeak Foru plazan joku du./
Mago de Oz taldeak Foru plazan joku du.

Kontzertua Foru plazan izango da, 24:00etan

PAUL PICADO

Mägo de Oz taldea Gasteizko jaietan ere izango da. Hain zuzen ere, ostegunean, kontzertu bat emango du Foru plazan, 24:00etan. Taldeak «Ira Dei» izeneko lan berria kaleratu du aurtengo martxoan, eta Mexikon eta Espainian arrakasta handia izan zuen. Dena den, lana kaleratu baino lau ordu lehenago bideoklipa atera zuen.

Taldea 1988. urtean sortu zen Madrilen, eta estiloari dagokionez, folk metal dela esan daiteke. Hasiera batean Transilvania izena jarri zioten, Iron Maiden taldearen izen bereko abestiaren omenez, baina 1989. urtean «Mägo de Oz» izena hartu zuen. Metala eta hard rock tradizionala, musika klasiko, rock and roll, blues, musika zelta eta folka nahastearengatik nabarmentzen dira. Hala ere, musika zelta izan da nagusiki erabili dutena.

«La leyenda de La Mancha» diskoarekin izan zuten lehen arrakasta handia, eta Espainiako zerrendetako lehen postuetan izan ziren. Estatu nahiz nazioarteko mailan ospea lortu zuten, Hispanoamerikan bereziki. Geroago, 2003. urtean, «Gaia» izeneko diskoarekin arrakasta handiagoa lortu zuten. Horrela, 2008. urtean diamantezko diskoa eman zioten milioi bat disko baino gehiago saltzeagatik.

Estudioko hamalau disko kaleratu dituzte, bi EP, zuzeneko bost lan eta zazpi bilduma. Bilduma horietako bat 2018. urtean kaleratu zuten, «30 años, 30 canciones» izenekoa, taldearen 30. urteurrena ospatzeko. Horren aurretik, kontzertu bat antolatu zuten Mexikon, Mexikoko Orkestra Sinfonikoarekin, eta 18.000 pertsona baino gehiago bildu ziren. Bilduma horretan, abestirik arrakastatsuenak bildu zituzten, eta ordura arte kaleratu gabe zeuden beste bi abestiren bertsioak.

Temas

Euskera