https://static.elcorreo.com/www/menu/img/zurekin-desktop.jpg

AEBk gidaririk gabeko dronen erabilera ahalbidetu du etxez etxeko paketeen banaketarako

AEBk gidaririk gabeko dronen erabilera ahalbidetu du etxez etxeko paketeen banaketarako

Ekimen hau Wing estatubatuar startupak abiarazi du, eta, orain arte, zerbitzua Australian bakarrik erabili izan da janaria banatzeko. AEBtan, momentuz, Virginia estatuko bi landa eremuetan eskainiko dute zerbitzua

UNAI SARRIUGARTE

AEBk gidaririk gabeko dronen erabilera ahalbidetu du paketeen etxez etxeko banaketarako. Ekimena Wing startupak Google-en Alphabet operadorearen laguntzarekin batera eraman du aurrera eta startup hau dronek gidatutako etxez etxeko paketeak banatzen dituen lehen enpresa izango da.

Hemendik aurrera, beraz, Wingek gainontzeko aire konpainia txikiek dituzten eskubide eta egiaztapen berberak izango ditu. Eskubide hauek, Abiazioko Administrazio Federalaren (FAA) eta Estatu Batuetako Garraio Departamentuaren onespenari esker bereganatu ditu.

James Ryan Burguess Wing konpainiaren zuzendariak helarazi duenez, oso hunkigarria izan da FAAren onespena lortu izatea garatu duten teknologiaren bidez negozio hau aurrera eraman ahal izateko. Izan ere, gaur egun, zerbitzu berezi hau Australian bakarrik erabili izan da janaria banatzeko. Eta, pozik egoteko arrazoia da, 2019. urtearen amaieran, Virginia estatuko bi landa eremuetan zerbitzu berezia eskainiko dutela jakitea.

Hala ere, Estatu Batuetako hiri-eremuetako legeriak dron hauen erabilera debekatzen du oraindik. Beraz, legeri honek oraingoz Wingek eremu horretan jardutea galaraziko du. Edonola ere, pasa den ostiraletik ez dago aipatutako bi landa-eremuetan jardutea debakatzen duen legerik.

Kalifikazio hau lortzeko, Wing-ek eskuliburu hedagarriak, prestaketako eta entrenamenduko errutinak eta segurtasun protokoloak prestatu behar izan ditu. Logikoa denez, FAAren erabaki honek gero eta konpainia gehiagok esparru honetan lan egiteko baimena eskatzea ekarri du. Konpainia hauek baldintza espezifiko batzuk bete beharko dituzte esparru honetan jarduteko.

Temas

Euskera