https://static.elcorreo.com/www/menu/img/zurekin-desktop.jpg

'1000x1000', gazteak eta enpresak hurbiltzen dituen programa, martxan da

Gazte batzuk, lan egiten./Antonio de Torre
Gazte batzuk, lan egiten. / Antonio de Torre

Bizkaiko Aldundiak enplegugarritasuna sustatzeko ekimena jarri zuen martxan orain dela aste batzuk

ELCORREO.COM

'1000x1000' deritzon programa berria jarri du martxan Bizkaiko Aldundiaren Enplegua, Gizarte Inklusioa eta Berdintasuna Sustatzeko Sailak. Ekimen honen helburua da enpresen eta 'millennials' gazteen arteko hurbilketa sustatzea, enplegugarritasuna hobetzeko helburuarekin.

Aipatu den Saileko arduraduna den diputatuak, Teresa Laespadak, duela aste batzuk aurkeztu zuen programa hau eta EHU/UPV jada ari da garatzen, Euskalit eta Human erakundeekin lankidetzan. Arduradunek gogorarazi dutenez, ekimenak zortzi hilabeko iraupena edukiko du.

Laespadak azaldu zuen enplegugarritasuna sustatzeko programa berritzailea dela, ardatza enplegua era aktiboan bilatzen ari diren eta enplegurako aurreko belaunaldiekiko nabarmen desberdinak diren motibazioak eta gaitasun apartak dituzten 'millennial' deritzon belaunaldiko kualifikaziodun pertsona gazteengan jartzen duena.

Programa 25 gazte parte hartzaile ditu, EHU/UPVko Leioako Campuseko Gizarte eta Komunikazioko Zientzien Fakultateko ikasleak direnak; gazte hauek curriculumetik kanpoko euren praktikak hasten ari dira hezkuntzako lankidetzako programa baten barruan.

Programa zortzi hiletan garatuko da eta erabat desberdinak izango diren bi fase ditu. Lehen fasean jardueraren iraupena astean 20 ordukoa izango da gehienez eta gazteak 'erronka-enpresak' deitzen diren enpresetako batean garatuko den ekintza zehatz baten proposamenarekin bigarren fasean sartzeko prestatzen joango dira. Hasierako fase honetan gazte bakoitzak hilero 400 euroko ekarpena jasoko du.

Bigarren fasean, bestalde, maiatzetik aurrera eta bost hiletan zehar, aurrez landu duten proposamen hori 'erronka-enpresa' horretan garatuko dute. Kasu honetan ere ordutegia gehienez 20 ordukoa izango da astero eta ekarpena hilero 500 eurokoa izango da gazte bakoitzeko.

Temas

Euskera

Contenido Patrocinado

Fotos

Vídeos