EAEko biztanleen batez besteko errenta 60 euro gehitu zen 2013 eta 2014 artean

EAEko egoiliarren 2014ko guztizko errenta pertsonalaren %61,0 lanetik dator, 11.821 euro batez beste. Gainerakoari dagokionez, %26,0 gizarte transferentzia edo prestazioetatik dator, batez beste 5.042 euro; %4,6 jarduera ekonomikoetatik, batez beste 881 euro; %8,4 kapital errentetatik, higigarritik zein higiezinetik, batez beste 1.635 euro.

Halaber, 2013koen aldean, jarduera ekonomikoen errentak %0,4 puntuz gehitu dira, eta transferentzienak %0,2 puntuz; kapital errentak %0,4 puntuz gutxitu dira, eta lan errentak %0,3 puntuz.

Ia 1.570.000 dira nolabaiteko errenta jasotzen duten 18 urteko eta gehiagoko biztanleak, guztien %86,5; horrela, %13,5ek ez du inolako sarrerarik izan 2014an. Pertsonen %59,7ren errenta EAEko batez bestekoaren azpitik da, errentarik gabekoak barne, eta %12,3k batez bestekoa halako bi jasotzen du, 38.750 euro pasatxo.